வெப்பமான காலநிலை காரணமாக பல ஆசிய நாடுகள் ஆபத்தில்
![](https://iftamil.com/wp-content/uploads/2024/04/temp-2.jpg)
வெப்பமான காலநிலை காரணமாக, பிலிப்பைன்ஸ் உட்பட பல தென்கிழக்கு ஆசிய நாடுகளில் பாடசாலைகள் மூடப்பட்டுள்ளதுடன் சுகாதார எச்சரிக்கையும் விடுக்கப்பட்டுள்ளது.
மின்சார அமைப்பில் கூடுதல் அழுத்தம் ஏற்படும் என இந்நாடுகளின் அதிகாரிகள் தெரிவித்துள்ளனர்.
சிங்கப்பூர் போன்ற சில நாடுகளில் கடந்த ஆண்டை விட இந்த ஆண்டு வெப்பநிலை உயரலாம் என்றும் கணிக்கப்பட்டுள்ளது.
சமீபத்திய நாட்களில், மாணவர்கள் மற்றும் ஆசிரியர்களிடையே உயர் இரத்த அழுத்தம் மற்றும் தலைச்சுற்றல் போன்ற மருத்துவ நிலைமைகள் தோன்றியதால் பாடசாலைகளை மூட பிலிப்பைன்ஸ் அதிகாரிகள் நடவடிக்கை எடுத்துள்ளனர்.
அடுத்த மூன்று நாட்களில் பிலிப்பைன்ஸில் வெப்பநிலை 37 டிகிரி செல்சியஸாக உயரும் என கணிக்கப்பட்டுள்ளது.
பிலிப்பைன்ஸ் வானிலை ஆய்வு மையம், உண்மையான உடல் வெப்பநிலை 45 பாகை செல்சியஸை எட்டக்கூடும் என்று எதிர்பார்க்கப்படுகிறது.
இதேவேளை, தாய்லாந்தில், பாங்காக் உட்பட பல பகுதிகளில் வெப்பநிலை 40 பாகையை தாண்டும் என கணிக்கப்பட்டுள்ளதால், மக்கள் நீண்ட நேரம் வெளியில் இருப்பதை தவிர்க்குமாறு வானிலை ஆய்வு மையம் அறிவித்துள்ளது.
வடக்கு நகரான லம்பாங்கில் கடந்த 22-ம் திகதி 44.2 பாகை செல்சியஸ் வெப்பநிலை பதிவாகியுள்ளது, மேலும் இந்த வாரமும் கடுமையான வெப்பம் தொடரும் என வானிலை ஆய்வு மையம் திங்கள்கிழமை தெரிவித்துள்ளது.
கடந்த மாதத்தில், தாய்லாந்தின் சுகாதார அமைச்சகத்தின் தரவுகளின்படி, வெப்பத் தாக்குதலால் 30 பேர் இறந்துள்ளனர்.
இது தவிர, வியட்நாம், மலேசியா, சிங்கப்பூர், இந்தோனேசியா போன்ற நாடுகளிலும் கடும் வெப்ப எச்சரிக்கை விடுக்கப்பட்டுள்ளது.
வெப்பமான வெப்பநிலை காரணமாக இந்தோனேசியாவில் டெங்கு காய்ச்சல் அதிகரித்துள்ளதாகவும் பதிவாகியுள்ள வழக்குகள் இருமடங்காக அதிகரித்துள்ளதாக சுகாதார அமைச்சு தெரிவித்துள்ளது.