மொரகஹஹேனவில் கடத்தப்பட்ட சிறுமி மீட்பு

மொரகஹஹேன கொதிகமுவ பிரதேசத்தில் வைத்து கடத்தப்பட்ட 07 வயது சிறுமி கண்டுபிடிக்கப்பட்டுள்ளதாக பொலிஸார் தெரிவிக்கின்றனர்.

நேற்று (13) காலை இந்த சிறுமி தனது வீட்டில் இருந்த போது கடத்தப்பட்டுள்ளார். இது தொடர்பில் சிறுமியின் தாயார் மொரகஹஹேன பொலிஸில் முறைப்பாடும் செய்திருந்தார்.

முறைப்பாடு செய்த சிறுமியின் தாய், அவரது கணவர், இரண்டு பிள்ளைகள், அவர்களது தாய் மற்றும் கணவரின் சகோதரி ஆகியோர் குறித்த வீட்டில் வசித்து வருகின்றனர்.

கணவனின் சகோதரி ஒருவருடன் காதல் தொடர்பு வைத்திருந்ததாகவும் அவர்களுக்கிடையில் ஏற்பட்ட முன்விரோதம் காரணமாக நேற்று காலை வீட்டிற்கு வந்த காதலன் சிறுமியை கடத்திச் சென்றுள்ளதாக பொலிஸார் தெரிவிக்கின்றனர்.

பின்னர் சந்தேக நபர் தனது கணவரின் சகோதரிக்கு தொலைபேசியில் அழைப்பு விடுத்து, சிறுமிக்கு தொந்தரவு கொடுப்பதற்கு முன்னர் தன்னிடம் வருமாறு கூறியுள்ளார்.

பின்னர், இந்த முறைப்பாடு தொடர்பில் மொரகஹஹேன பொலிஸ் நிலைய கட்டளைத் தளபதி அப்பகுதியில் உள்ள சிசிடிவி காட்சிகளின் ஊடாக விசேட விசாரணைகளை ஆரம்பித்துள்ளார்.

இதற்கிடையில், முறைப்பாடு செய்த பெண்ணின் கணவரின் சகோதரி கெஸ்பேவ பிரதேசத்தில் சந்தேக நபரின் காதலன் இருந்த இடத்திற்குச் சென்றுள்ளார்,

அங்கு சந்தேக நபர் சிறுமியை முறைப்பாட்டாளரின் உறவினர் வீட்டில் விட்டுச் சென்றுள்ளார்.

இதனையடுத்து அங்கு வந்த பொலிஸார் சிறுமியை தாயின் பாதுகாப்பில் வைத்து ஹொரண ஆதார வைத்தியசாலையில் அனுமதிக்கப்பட்டுள்ளார்.

இந்நிலையில், சந்தேக நபர் மற்றும் சந்தேக நபரால் அழைத்துச் செல்லப்பட்ட பெண்ணைக் கண்டுபிடிக்க மொரகஹஹேன பொலிஸார் விசேட விசாரணைகளை ஆரம்பித்துள்ளனர்.

தொடர்புடைய செய்திகள்:

இலங்கையில் 97.3% மாணவ, மாணவிகளுக்கு பாலியல் செயல்பாடுகள் பற்றி புரியவில்லை வவுனியா – திருகோணமலை பிரதான வீதியில் சடலம் ஒன்று மீட்பு துறவியிலிருந்து நீக்கப்பட்ட சர்ச்சைக்குரிய பிக்கு ‘விஷ்வ புத்தர்’ வடிகாலில் இருந்து  பெண் ஒருவரின் சடலம் மீட்பு ஈழத்திலிருந்து உலகத்தரம் வாய்ந்த பிரம்மாண்ட படைப்பு – குமரி கண்ட குமரன் கனடாவில் தமிழ் இனப்படுகொலை நினைவுச் சின்னத்திற்கு இலங்கை கடும் எதிர்ப்பு