ஈரானில் மனித உரிமை வழக்கறிஞர் கைது

ஈரானிய மனித உரிமை வழக்கறிஞரும், 2012 ஆம் ஆண்டின் சகரோவ் பரிசு பெற்றவருமான Nasrin Sotoudeh தெஹ்ரானில் உள்ள தனது வீட்டில் கைது செய்யப்பட்டுள்ளதாக அவரது குடும்பத்தினர் தெரிவித்துள்ளனர்.

அவரது மகள் Mehraveh Khandan, சமூக ஊடகத்தில் வெளியிட்ட பதிவில், Sotoudeh நேற்று இரவு வீட்டில் தனியாக இருந்தபோது கைது செய்யப்பட்டதாகக் கூறினார். கைது செய்யப்பட்டதிலிருந்து அவர் குடும்பத்தினருடன் தொடர்பு கொள்ளவில்லை என்றும் தெரிவித்தார்.

மேலும், அதிகாரிகள் வீட்டில் இருந்து மடிக்கணினிகள் மற்றும் தொலைபேசிகள் உள்ளிட்ட மின்னணு சாதனங்களை பறிமுதல் செய்துள்ளதாகவும் கூறப்பட்டுள்ளது. எந்த அதிகார அமைப்பு இந்தக் கைது நடவடிக்கையை மேற்கொண்டது என்பது இதுவரை தெளிவாகவில்லை.

Sotoudeh இதற்கு முன்பும் பலமுறை கைது செய்யப்பட்டவர். சமீபத்தில், நாட்டின் அரசியல் மற்றும் அணுசக்தி கொள்கைகள் குறித்து அவர் வெளியிட்ட விமர்சனங்களும் கவனம் பெற்றிருந்தன.