ஜனவரியில் பணவீக்கம் குறைவு

2026 ஆண்டின் ஜனவரி மாதத்தில் தேசிய நுகர்வோர் விலைச் சுட்டெண்ணிற்கு அமைய பணவீக்கம் குறைவடைந்துள்ளது.

தொகைமதிப்பு மற்றும் புள்ளிவிபரத் திணைக்களம் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

இதன்படி, 2025 ஆம் ஆண்டு டிசம்பர் மாதத்தில் 2.9% ஆகக் காணப்பட்ட நாட்டின் பணவீக்கம், 2026 ஆண்டின் ஜனவரி மாதத்தில் 2.4% வரை குறைந்துள்ளது.

அத்துடன் 2025 ஆண்டின் டிசம்பர் மாதத்தில் 4.4% ஆகப் பதிவாகியிருந்த உணவுப் பணவீக்கம், 2026 ஆண்டின் ஜனவரி மாதத்தில் 3.4% ஆகக் குறைந்துள்ளது.

இதேவேளை, , 2025 ஆம் ஆண்டின் டிசம்பர் மாதத்திற்கான உணவு அல்லா வருடாந்த பணவீக்கம் 1.6% ஆகக் காணப்பட்டதுடன், 2026 ஜனவரி மாதத்திலும் அதே 1.6% என்ற மட்டத்தில் மாற்றமின்றித் தொடர்கிறது.