சுவிட்சர்லாந்தில் அதிகரித்துவரும் இனப் பாகுப்பாடு : வரும் வாரங்களிலும் வன்முறை வெடிக்கலாம் என எச்சரிக்கை!
சுவிட்சர்லாந்தில் கடந்த இரண்டு வாரங்களாக இடம்பெற்ற கலவரங்களை தொடர்ந்து வரும் வாரங்களில் வன்முறைகள் அதிகரிக்கலாம் என நாட்டின் உயர்மட்ட சமூகவியலாளர்களில் ஒருவர் எச்சரித்துள்ளார்.
வார இறுதியில், சுவிட்சர்லாந்தின் லொசானில், போலீசாரிடமிருந்து தப்பிச் செல்லும்போது ஒரு புலம்பெயர்ந்த டீனேஜர் ஸ்கூட்டர் விபத்தில் கொல்லப்பட்டதைத் தொடர்ந்து, கலவரங்கள் வெடித்தன.
லொசானில் வசிக்கும் 17 வயது சுவிஸ் குடிமகன் மார்வின் எம், திருடப்பட்ட ஸ்கூட்டரில் போலீசாரிடமிருந்து தப்பிச் செல்லும்போது விபத்து ஏற்பட்டு உயிரிழந்தார்.
இந்நிலையில் குறித்த சிறுவனுக்க நீதிகோரி போராட்டங்கள் வெடித்தன. இதில் கலகத் தடுப்பு பொலிஸாருக்கும் , போராட்டக்காரர்களுக்கும் இடையில் மோதல்கள் ஏற்பட்டன.
லொசானில் உள்ள போலீசார் அங்கு குடியேறிய புலம்பெயர்ந்தோருக்கு எதிராக முறையாக இனவெறி கொண்டுள்ளனர் என்ற நீண்டகாலக் கண்ணோட்டத்திலிருந்துதான் போராட்டங்கள் வெடிக்க காரணமாக அமைந்ததாக தெரிவிக்கப்படுகிறது.
2016 முதல் பரந்த வாட் பகுதியில் ஏழு பேர் இறந்துள்ளனர். அந்த இறப்புகளில் ஐந்து பேர் ஆப்பிரிக்காவைச் சேர்ந்த ஆண்களாவர்.
தனியார் வாட்ஸ்அப் குழுக்களில் இனவெறி, பாலியல் மற்றும் பாகுபாடு காட்டும் செய்திகள் கண்டுபிடிக்கப்பட்டதைத் தொடர்ந்து நான்கு அதிகாரிகள் இடைநீக்கம் செய்யப்பட்டதாக செய்தித்தாள் ஒன்று குறிப்பிட்டுள்ளது.
ஆனால் ஜெனீவா பல்கலைக்கழகத்தின் சமூகவியல் பேராசிரியர் சாண்ட்ரோ கட்டசின், சுவிட்சர்லாந்து, வரும் நாட்களில் அதிக வன்முறையைக் காணும் என்று தான் நம்புவதாக குறிப்பிட்டுள்ளார்.
(Visited 1 times, 1 visits today)
