ஐக்கிய அரபு எமிரேட்ஸின் சில பகுதிகளில் கனமழை : மக்களுக்கு விடுக்கப்பட்டுள்ள அறிவுறுத்தல்!

ஐக்கிய அரபு எமிரேட்ஸின் சில பகுதிகளில் பெய்த கனமழையால்,  துபாய் சாலைகள் வெள்ளத்தில் மூழ்கின.

கனமழையைத் தொடர்ந்து, போக்குவரத்து மற்றும் விமான நடவடிக்கைகளும் பாதிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.

அத்துடன் குடியிருப்பாளர்கள் கடற்கரை செல்வதை தவிர்க்குமாறும், வீட்டுக்குள்ளேயே இருக்குமாறு அறிவுறுத்தப்பட்டுள்ளதாகவும் தெரிவிக்கப்படுகிறது.

துபாய் முழுவதும் பெய்த கனமழையின் காட்சிகளை மக்கள் சமூக வலைதளங்களில் பகிர்ந்து கொண்டனர்.

இதேவேளை ஐக்கிய அரபு எமிரேட்ஸில் அதிக மழை எதிர்பார்க்கப்படுவதால், மழைநீரை வெளியேற்றுவதற்கான ஆயத்த திட்டத்தை துபாய் நகராட்சி செயல்படுத்தியுள்ளது.

அடுத்த சில நாட்களில் அதிக மழை பெய்யும் என்று கணிக்கப்பட்டுள்ள நிலையில், மழையைத் தொடர்ந்து நெகிழ்வான பணியை அனுமதிக்குமாறு தனியார் துறையை அரசாங்கம் வலியுறுத்தியது.