யாழில் இடம்பெற்ற பொலிஸ் அதிகாரிகளுக்கான கலந்துரையாடல் நிகழ்வு

பொலிஸ் அதிகாரிகள் என்ற ரீதியில் ஊடகவியலாளர்களின் உரிமைகளை பாதுகாப்பது எப்படி அதே நேரம், பொலிஸ் அதிகாரிகளின் கடமைகளை நிறைவேற்றுவது எப்படி எந்த முறையில் செயற்பட வேண்டும் என்று பொலிஸ் ஊடகப்பேச்சாளர் நிகால் தல்துவே கருத்து தெரிவித்துள்ளார்.

வடமாகாண பொலிஸ் நிலைய பொறுப்பதிகாரிகளுடன், பொலிஸார் ஊடகங்களுடனும் பொதுமக்களுடனும் ஏற்படும் பிரச்சனைகளை எப்படி தவிர்ப்பது என்பது தொடர்பில் பொலிஸ் ஊடகப்பேச்சாளர் நிகால் தல்துவேயினால் கலந்துரையாடல் நிகழ்வு ஒன்று இன்று யாழ்ப்பாணம் பொலிஸ் நிலையத்தில் இடம்பெற்றது. இதன்போது கருத்து தெரிவித்தார் அவர்.

வெவ்வேறு தரப்புக்கள் இருக்கின்ற படியால், அத்தரப்புக்கள் மத்தியில் குழப்பங்கள் ஏற்படாத வகையில் இரு தரப்பினருக்கும் இடையே பாதிப்புக்கள் ஏற்படாத வகையில் எவ்வாறு செயற்பட வேண்டும் என விழிப்புணர்வு ஏற்படுத்தும் வகையில் அறிவுறுத்தல்களை வழங்குமாறு பொலிஸ் மா அதிபர் தெரிவித்தமைக்கு அமைவாக யாழ்ப்பாணம், காங்கேசன்துறை முல்லைத்தீவு, மன்னார், போன்ற பகுதிகளில் உள்ள பொலிஸ் உத்தியோகத்தர்கள் மற்றும் சிரேஸ்ட அதிகாரிகளுக்கு விழிப்புணர்வை ஏற்படுத்த வேண்டிய தேவை ஏற்பட்டதால் இந்த கலந்துரையாடல் நிகழ்வு ஏற்பாடு செய்யப்பட்டுள்ளது.

சமூகத்துடன் நேரடியாக தொடர்பினை ஏற்படுத்திக் கொண்டால் சமூகத்திற்கு உதவியாக இருக்கும். அதேநேரம், பொலிஸாரின் கௌரவத்திற்கும் முக்கியமானதாக இருக்கும்.

போராட்டங்களை தடுக்கும் போது, முரண்பாடான நிலையை ஏற்படுத்திக் கொள்கின்றனர்.. உண்மையில், அவ்வாறான நிலையை ஏற்படுத்திக் கொள்ள முடியாது. ஊடகவியலாளர்கள் சமூக சேவை செய்கின்றார்கள். பொலிஸாரும் 24 மணி நேரம் கடமையில் இருப்பதனால் இரு தரப்பினருடைய சேவைகளும் சமூகத்திற்கு அவசியமானது.

இந்த விடயங்களை உணர்ந்து செயற்படும் போது அந்தந்தத் தரப்பினர்களிடையை பிரச்சினைகளையும், முரண்பாடுகளையும் தீர்த்து கொள்ள முடியும் என நம்புகிறேன் என தெரிவித்தார்.

தொடர்புடைய செய்திகள்:

இலங்கை மீதான கிரிகெட் தடையை நீக்குமா ஐசிசி? இலங்கை ஜனாதிபதி ரணில் விக்கிரமசிங்கவினால் வழங்கப்பட்ட புதிய நியமனம்! தொம்பகொட இராணுவ முகாமில் உள்ள குளத்தில் 23 வயது இராணுவ சிப்பாய் சடலமாக மீட்பு! நிதியியல் கல்வியறிவு தொடர்பில் இலங்கை மத்திய வங்கி ஆளுநர் விளக்கம்! இலங்கையில் 20 இலட்சம் ரூபாய் பெறுமதியான தங்கத்தை கொள்ளையிட்ட நபர் கைது! தமிழ் தேசியக் கூட்டமைப்பின் தலைவர் இரா.சம்பந்தன் காலமானார்