கட்டுநாயக்க விமான நிலையத்தில் உரிமையாளர் இல்லாமல் நிறுத்தி வைக்கப்பட்டிருந்த கார்

எல்பிட்டிய விசேட குற்றப் புலனாய்வுப் பிரிவின் அதிகாரிகள் குழுவொன்று வந்து கட்டுநாயக்க விமான நிலைய வருகை முனையத்தில் உரிமையாளர் இன்றி நீண்ட நாட்களாக நிறுத்தி வைக்கப்பட்டிருந்த காரை எடுத்துச் சென்றுள்ளனர்.

இந்த Nissan Bluebird கார் கடந்த மே மாதம் 29 ஆம் திகதி கட்டுநாயக்க விமான நிலைய வருகை முனையத்தில் விடப்பட்டது.

இந்தக் கார் அம்பலாங்கொட பிரதேசத்தைச் சேர்ந்த பெண்ணொருவருக்குச் சொந்தமானது என்பதும், தற்போது பலப்பிட்டி நீதவான் நீதிமன்றில் நடைபெற்று வரும் வழக்கு இலக்கம் 68390க்குத் தேவையான கார் என்பதும் தெரியவந்துள்ளது.

இந்நிலையில்,  எல்பிட்டிய விசேட குற்றப் புலனாய்வுப் பிரிவின் அதிகாரிகள் குழு நீதிமன்ற உத்தரவின் பேரில் கட்டுநாயக்க விமான நிலையத்திற்கு வந்து இந்த காரை எடுத்துச் சென்றுள்ளார்.