Asia Cup M12 – இந்திய அணி 21 ஓட்டங்கள் வித்தியாசத்தில் வெற்றி

ஆசிய கோப்பை கிரிக்கெட் தொடரில் குரூப் பிரிவின் கடைசி லீக் ஆட்டத்தில் இந்தியா, ஓமனை எதிர்த்து விளையாடியது. டாஸ் வென்ற இந்தியா துடுப்பெடுத்தாட தீர்மானம் செய்தது.

முதலில் துடுப்பெடுத்தாடிய இந்திய அணி 20 ஓவரில் 8 விக்கெட்டை இழந்து 188 ஓட்டங்கள் எடுத்தது. இந்தியா தரப்பில் அதிகபட்சமாக சஞ்சு சாம்சன் 56 ஓட்டங்கள் எடுத்தார்.

தொடர்ந்து 189 ஓட்டங்கள் எடுத்தால் வெற்றி என்ற ஓமன் அணி களம் இறங்கியது. ஓமன் வீரர்களான ஹம்மாத் மிர்சா மற்றும் ஆமிர் கலீம் சிறப்பான ஆட்டத்தை வெளிப்படுத்தினர்.

அபாரமாக ஆடிய இருவரும் அரைசதம் அடித்து அசத்தினர். இதில் ஆமிர் கலீம் 64 ஓட்டங்களும் ஹம்மாத் மிர்சா 51 ஓட்டங்களும் பெற்று கொடுத்தனர்.

இறுதியில் ஓமன் அணி 20 ஓவரில் 4 விக்கெட்டை இழந்து 167 ஓட்டங்கள் மட்டுமே எடுத்தது. இதன் மூலம் 21 ஓட்டங்கள் வித்தியாசத்தில் இந்திய அணி வெற்றி பெற்றது.