இரத்தினபுரி கல்வி வலயத்திலுள்ள அனைத்து பாடசாலைகளும் நாளை பூட்டு

இரத்தினபுரி கல்வி வலயத்திலுள்ள அனைத்து பாடசாலைகளும் நாளை (05) மூடப்படும் என சப்ரகமுவ மாகாண கல்வி செயலாளர் தெரிவித்துள்ளார்.

சப்ரகமுவ மாகாண கல்விச் செயலாளர் அறிவிப்பொன்றை வெளியிட்டு இந்தத் தீர்மானத்தை தெரிவித்துள்ளார்.

அத்துடன், நிவித்திகல கல்வி வலயத்தின் அலபத, அயகம மற்றும் கலவான ஆகிய கல்விப் பிரிவுகளுக்கு உட்பட்ட அனைத்து பாடசாலைகளும் நாளை மூடுவதற்கு தீர்மானிக்கப்பட்டுள்ளது.

அந்த பகுதிகளில் நிலவும் மோசமான வானிலை காரணமாக இந்த முடிவு எடுக்கப்பட்டுள்ளது.

நாளைய தினம் காலநிலையின் அடிப்படையில் பாடசாலைகளை நடத்துவது தொடர்பில் பிராந்திய பணிப்பாளர்களுக்கு அறிவிக்கப்பட்டு தீர்மானங்கள் மேற்கொள்ளப்படும் என சப்ரகமுவ மாகாண கல்விச் செயலாளர் அந்த அறிவிப்பில் மேலும் தெரிவித்துள்ளார்.