தொழில்நுட்ப கோளாறுக்கு பிறகு மீண்டும் சேவையை ஆரம்பித்த அலாஸ்கா ஏர்லைன்ஸ்

தகவல் தொழில்நுட்பக் கோளாறு காரணமாக பல மணி நேரம் இடைநிறுத்தப்பட்ட விமான சேவைகள் மீண்டும் தொடங்கப்பட்டுள்ளதாக அலாஸ்கா ஏர்லைன்ஸ் (Alaska Airlines) தெரிவித்துள்ளது.

இந்த விமானச் சேவை நிறுத்தம் காரணமாக 229 விமானங்கள் ரத்து செய்யப்பட்டதாக நிறுவனம் தெரிவித்துள்ளது.

தற்போது, இந்த இடையூறால் பாதிக்கப்பட்ட பயணிகளை அவர்களின் இலக்குகளுக்கு கொண்டு செல்வதில் அதிகாரிகள் ஈடுபட்டுள்ளதாக அலாஸ்கா ஏர்லைன்ஸ் தெரிவித்துள்ளது.

மேலும், பயணிகள் விமான நிலையத்துக்கு வருவதற்கு முன், தங்களது விமான நிலைமையை (Flight Status) சரிபார்க்கும்படி அலாஸ்கா ஏர்லைன்ஸ் கேட்டுக்கொண்டுள்ளது.

தொடர்புடைய செய்தி

அமெரிக்கா முழுவதும் அலாஸ்கா ஏர்லைன்ஸ்(Alaska Airlines) விமானங்கள் ஸ்தம்பிப்பு