கருவாடு கறி  சட்டிக்குள் தவறி விழுந்து சிறுமி உயிரிழப்பு

பொசன் தன்சல வழங்கப்பட்ட போது கருவாடு கறி  சமைத்த சட்டிக்குள் தவறி விழுந்து படுகாயமடைந்து சிகிச்சை பெற்று வந்த 9 வயதுடைய பாடசாலை மாணவி உயிரிழந்துள்ளதாக பாணந்துறை தெற்கு பொலிஸார் தெரிவித்தனர்.

பாணந்துறை பெக்கேகம பகுதியைச் சேர்ந்தசிறுமியே இவ்வாறு உயிரிழந்துள்ளார்.

பாணந்துறை பிரதேசத்தில் பொசன்  போயாவை முன்னிட்டு  சாப்பாடு வழங்கும் தன்சல் இடம்பெற்றதுடன் சிறுமி கடந்த 23ஆம் திகதி அங்கு தனது தாயுடன் தங்கியிருந்த வேளையில் கறி சட்டிக்குள் தவறி விழுந்துள்ளதாக தெரிவிக்கப்படுகின்றது.

படுகாயமடைந்த சிறுமி பாணந்துறை ஆதார வைத்தியசாலையில் அனுமதிக்கப்பட்டு அவரது நிலைமை கவலைக்கிடமாக இருந்ததால் கொழும்பு லேடி ரிட்ஜ்வே வைத்தியசாலைக்கு மாற்றப்பட்டுள்ளதாக வைத்தியசாலை வட்டாரங்கள் தெரிவிக்கின்றன.

இந்நிலையில், சிகிச்சை பலன் இன்றி சிறுமி உயிரிழந்துள்ளதாக தெரிவிக்கப்பட்டுள்ளது.  மேலதிக விசாரணைகளை பாணந்துறை தெற்கு பொலிஸார் மேற்கொண்டு வருகின்றனர்.