இலஞ்சம் பெற்ற குற்றச்சாட்டில் இரு பொலிஸ் சார்ஜன்ட்ஸ் கைது!

10,000 ரூபா இலஞ்சம் பெற்ற குற்றச்சாட்டில் இரண்டு பொலிஸ் சார்ஜன்ட்கள் இலஞ்ச ஊழல் விசாரணை ஆணைக்குழுவினால் கைது செய்யப்பட்டுள்ளனர்.

மாத்தளை, யடவத்தை பிரதேசத்தில் நபர் ஒருவரிடமிருந்து கிடைக்கப்பெற்ற முறைப்பாட்டின் அடிப்படையில் மேற்கொள்ளப்பட்ட சுற்றிவளைப்பின் போது சந்தேகத்திற்கிடமான இரண்டு பொலிஸ் உத்தியோகத்தர்களும் கைது செய்யப்பட்டுள்ளதாக தெரிவிக்கப்படுகிறது.

கைது செய்யப்பட்ட முறைப்பாட்டாளரின் மோட்டார் சைக்கிள் அனுமதிப்பத்திரம் காலாவதியானமைக்காகவும், செல்லுபடியாகும் சாரதி அனுமதிப்பத்திரம் இன்றி வாகனம் செலுத்தியமைக்காகவும் சட்டத்தை கையாள்வதை தவிர்ப்பதற்காக பொலிஸ் உத்தியோகத்தர்கள் ஒரு இலட்சம் ரூபா லஞ்சம் கேட்டதாக குறிப்பிடப்படுகின்றது.

எனினும், பின்னர் அது 50,000 ரூபாவாக குறைக்கப்பட்டதுடன், 10,000 ரூபாவை பெற்றுக்கொண்ட பொலிஸ் சார்ஜன்ட்கள் இருவரும் கைது செய்யப்பட்டதாக இலஞ்ச ஊழல் ஆணைக்குழு தெரிவித்துள்ளது. சந்தேகநபர்கள் மாத்தளை நீதவான் நீதிமன்றில் ஆஜர்படுத்தப்படவுள்ளனர்.

தொடர்புடைய செய்திகள்:

இலங்கையில் பிற்பகல் வேளையில் வடக்கு, கிழக்கு பகுதிகளில் ஏற்படவுள்ள மாற்றம்! இலங்கையில் மீளவும் பரவும் கொரோனா வைரஸ் : ஒருவர் உயிரிழப்பு! அரசியலுக்கு வருவாரா? சனத் நிஷாந்தவின் மனைவி வெளிப்படுத்திய தகவல் இலங்கையில் 2030 ஆம் ஆண்டளவில் ஏற்படவுள்ள மாற்றம் இலங்கை ஜனாதிபதி மக்கள் பிரதிநிதிகளிடம் விடுத்துள்ள கோரிக்கை! யாழிலிருந்து கொழும்பு நோக்கி பயணித்த பேருந்து விபத்து – மூவர் பலி