ஜப்பான் நிலநடுக்கம் – உயிரிழப்பு 161 ஆக உயர்வு

ஜப்பானில் புத்தாண்டு தினத்தன்று ஏற்பட்ட பயங்கர நிலநடுக்கத்தில் உயிரிழந்தவர்களின் எண்ணிக்கை 160-க்கும் அதிகமாக உயர்ந்துள்ளதாக அதிகாரிகள் தெரிவித்துள்ளனர்.

காணாமல் போன 100க்கும் மேற்பட்டோரை ஒரு வாரத்திற்கு பிறகு கண்டுபிடிக்கும் முயற்சிகள் தொடர்கின்றன.

ஆனால் மோசமான வானிலை மீட்புப் பணிகளுக்கு இடையூறாக உள்ளது – கனமழை மற்றும் பனிப்பொழிவு நிலச்சரிவுகள் மற்றும் கட்டிடங்கள் இடிந்து விழும் அபாய எச்சரிக்கைகளை தூண்டுகிறது.

தொலைவில் உள்ள நோட்டோ தீபகற்பத்தில் 7.6 ரிக்டர் அளவிலான நிலநடுக்கம் ஏற்பட்டது – கட்டிடங்கள் இடிந்து விழுந்து பெரும் தீயை உண்டாக்கியது.

பெரும்பாலான இறப்புகள் வஜிமா மற்றும் சுசூ நகரங்களில் நடந்துள்ளன.

இதற்கிடையில், காணாமல் போனவர்களின் எண்ணிக்கை 195 இல் இருந்து 100 ஆகக் குறைந்துள்ளது.

சாலைகள் பாரியளவில் சேதமடைந்துள்ளதால் 2,000க்கும் மேற்பட்டோர் துண்டிக்கப்பட்டுள்ளனர். மேலும் பலர் அவசரகால முகாம்களில் தங்கியுள்ளனர்.

வீடுகளை காலி செய்ய வேண்டியவர்களுக்கு உணவு, தண்ணீர், போர்வைகள் உள்ளிட்ட பொருட்களை ஜப்பான் ராணுவம் வழங்கி வருகிறது.

பாதுகாப்பு அமைச்சகம் ஞாயிற்றுக்கிழமை ஒரு அறிக்கையில், நிவாரணப் பணிகளுக்கு உதவ கிட்டத்தட்ட 6,000 துருப்புக்களை அனுப்பியதாகக் கூறியது.