ஸ்காட்லாந்தில் பலத்த காற்றினால் கவிழ்ந்த கப்பல்

காட்லாந்தில் உள்ள கப்பல்துறையில் பயணிகளை ஏற்றிச் சென்ற கப்பல் இன்று பகுதியளவில் கவிழ்ந்ததில் விபத்துக்குள்ளானதில் இருபதுக்கும் மேற்பட்டோர் காயமடைந்துள்ளனர்.

ஸ்காட்லாந்தின் எடின்பர்க் அருகே லீத் என்ற இடத்தில் கப்பல்துறை ஒன்றில் கப்பல் கவிழ்ந்ததில் பலர் காயமடைந்ததாக ஸ்காட்டிஷ் ஆம்புலன்ஸ் சேவை செய்தித் தொடர்பாளர் தெரிவித்தார்.

பலத்த காற்றினால் இச்சம்பவம் இடம்பெற்றதாக உள்ளுராட்சி மன்ற உறுப்பினர் ஒருவர் சமூக ஊடகப் பதிவில் குறிப்பிட்டுள்ளார். எடின்பர்க் காவல்துறை அவசர சேவைகளுக்கான அணுகலை அனுமதிக்கும் வகையில், மக்களை அப்பகுதியில் இருந்து விலகி இருக்குமாறு கேட்டுக் கொண்டது.

இந்த சம்பவத்தின் விளைவாக, உள்ளூர் சுகாதார அதிகாரிகள் எடின்பரோவின் விபத்துக்கள் மற்றும் அவசர சேவைகளுக்கான ராயல் மருத்துவமனையை அதன் வளங்களில் உள்ள சிரமம் காரணமாக பயன்படுத்த வேண்டாம் என்று மக்களுக்கு அறிவுறுத்தியதாக தெரிவிக்கப்பட்டுள்ளது.

சம்பவம் தொடர்பில் விசாரணைகள் முன்னெடுக்கப்பட்டுள்ளன.