தேசிய அடையாள அட்டை வழங்குவதற்கான கட்டணத்தில் திருத்தம்

தேசிய அடையாள அட்டை வழங்குவதற்கு அறவிடப்படும் கட்டணத்தை திருத்தியமைத்து பொது பாதுகாப்பு அமைச்சு வர்த்தமானி அறிவித்தலை வெளியிட்டுள்ளது.

இதன்படி, தேசிய அடையாள அட்டையின் சான்றளிக்கப்பட்ட பிரதிக்கான கட்டணம் 2,000 ரூபாவாக இருக்க வேண்டும் என வர்த்தமானி அறிவித்தலில் தெரிவிக்கப்பட்டுள்ளது.

இது தவிர, தேசிய அடையாள அட்டைகளின் நம்பகத்தன்மையை சான்றளிப்பதற்கான கட்டணம் ஆன்லைன் முறையில் சமர்ப்பிக்கும் பட்சத்தில் 25 ரூபாவாகவும், பௌதீக ஆவணங்கள் மூலமாகவோ அல்லது ஏற்றுக்கொள்ளக்கூடிய மின்னணு முறையில் சமர்ப்பிக்கும் பட்சத்தில் 500 ரூபாவும் அறிவிடப்படவுள்ளது.

தேசிய அடையாள அட்டை புகைப்படக் கலைஞராக பதிவு செய்வதற்கான கட்டணம் 15,000 ரூபாயாக இருக்க வேண்டும் என்றும் அதில் குறிப்பிடப்பட்டுள்ளது. இதற்கு முன் இந்த கட்டணம் 10,000 ரூபாயாக இருந்தது.

இதேவேளை, பதிவுச் சான்றிதழைப் புதுப்பிப்பதற்கான வருடாந்தக் கட்டணமான 2,000 ரூபாவை 3,000 ரூபாவாக அதிகரிக்க நடவடிக்கை எடுக்கப்பட்டுள்ளது.