குடிபோதையில் சாரதி பல வாகனங்கள் மோதியதில் ஒருவர் பலி: 06 பேர் படுகாயம்

எம்பிலிபிட்டிய, கல்வாங்குவ பகுதியில் இடம்பெற்ற வாகன விபத்தில் ஒருவர் உயிரிழந்துள்ளதுடன், 06 பேர் காயமடைந்து வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

அதன்படி, முச்சக்கர வண்டிகள், கார் மற்றும் மோட்டார் சைக்கிள் மீது கார் மோதியதில் 73 வயதுடைய நபர் ஒருவர் உயிரிழந்துள்ளதுடன் மேலும் 6 பேர் காயமடைந்துள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்துள்ளார்.

மதுபோதையில் வாகனம் செலுத்திய குற்றச்சாட்டின் பேரில் காரின் சாரதி கைது செய்யப்பட்டுள்ளதாக பொலிஸார் மேலும் குறிப்பிட்டுள்ளனர்.