‘தற்காலிக போர் நிறுத்தம்’ கச்சா எண்ணெய் விலை வீழ்ச்சி: பங்குச் சந்தை எழுச்சி!
ஈரான் மற்றும் அமெரிக்கா இடையே அறிவிக்கப்பட்ட தற்காலிக போர்நிறுத்தம் காரணமாக உலக சந்தையில் கச்சா எண்ணெய் விலையில் சரிவு ஏற்பட்டுள்ளது.
அத்துடன், போர்நிறுத்தச் செய்தி வெளியானவுடன் சந்தைகள் சாதகமாக வினைபுரிந்ததால், ஜப்பான் மற்றும் தென் கொரியா போன்ற நாடுகளின் பங்குச் சந்தைகள் கணிசமான வளர்ச்சியை எட்டின.
எனினும், இந்த அமைதி உடன்படிக்கை எவ்வளவு காலம் நீடிக்கும் என்பதில் இன்னும் நிச்சயமற்ற தன்மை நிலவுவதாக பொருளாதார நிபுணர்கள் எச்சரிக்கின்றனர்.
எண்ணெய் விலைகள் கடந்த பெப்ரவரி மாத அளவை விட இன்னும் அதிகமாகவே இருப்பதால், முதலீட்டாளர்கள் தற்போது காத்திருந்து கவனிக்கும் அணுகுமுறையை மேற்கொண்டுள்ளனர்.
பேச்சுவார்த்தைகளில் உள்ள சவால்களைக் கருத்தில் கொண்டு, இஸ்ரேல் மற்றும் ஈரான் போன்ற நாடுகளின் அடுத்தகட்ட நடவடிக்கைகளை உலகச் சந்தை உன்னிப்பாகக் கவனித்து வருகிறது.
இதன் விளைவாக, சர்வதேச வர்த்தகத்தில் ஒருவித தற்காலிக நிம்மதி ஏற்பட்டாலும் முழுமையான உறுதித்தன்மை இன்னும் எட்டப்படவில்லை என பொருளாதார நிபுணர்கள் தெரிவிக்கின்றனர்.
நிரந்தர போர் நிறுத்தம் ஏற்பட்ட பின்னர்கூட இயல்புநிலை திரும்புவதற்கு சிறிது காலமெடுக்கும் எனவும் அவர்கள் சுட்டிக்காட்டியுள்ளனர்.
