இலங்கையில் கோர விபத்து – 2 பல்கலைக்கழக மாணவர்கள் பலி – 35 பேர் படுகாயம்

பதுளை, துன்ஹிந்த வீதியில் 4ஆம் மைல்கல் பகுதியில் பேருந்து ஒன்று கவிழ்ந்து விபத்துக்குள்ளானதில் 2 பேர் உயிரிழந்த நிலையில் 35 பேர் காயமடைந்துள்ளனர்.

கொத்தலாவல பாதுகாப்பு பல்கலைக்கழகத்திற்குச் சொந்தமான பேருந்து ஒன்று விபத்துக்குள்ளாகியுள்ளது.

விபத்தின் போது பேருந்தில் சுற்றுலா சென்ற மாணவர்கள் உட்பட 41 பேர் பயணித்துள்ளனர்.

விபத்தில் காயமடைந்தவர்கள் பதுளை பொது வைத்தியசாலையில் அனுமதிக்கப்பட்டுள்ளனர்.

இவ்விபத்தில் 2 பல்கலைக்கழக மாணவர்கள் உயிரிழந்துள்ளதாக வைத்தியசாலை வட்டாரங்கள் தெரிவிக்கின்றன.