வேகமாக உருகிவரும் மேட்டர்ஹாரின் பனிப்பாறைகள் : இரு ஐரோப்பிய நாடுகளுக்கு ஏற்பட்டுள்ள சிக்கல்!
ஐரோப்பாவின் மிக உயரமான மலைகளில் ஒன்றான மேட்டர்ஹாரின் பனிப்பாறைகள் நினைத்து பார்க்க முடியாத அளவிற்கு வேகமாக உருகுவதாக ஆய்வாளர்கள் சுட்டிக்காட்டியுள்ளனர்.
இதன்காரணமாக ஐரோப்பாவின் முக்கிய நாடுகளான இத்தாலி மற்றும் சுவிஸ் ஆகிய நாடுகள் தங்கள் வரைபடத்தில் எல்லை பகுதியை புதுப்பிக்க வேண்டிய நிலைமை ஏற்பட்டுள்ளதாக தெரிவிக்கப்படுகிறது.
குறித்த பகுதியில் வெப்பநிலையானது ஒரு தசாப்தத்திற்கு 0.54°F (0.3°C) உயர்ந்துள்ளதாக சுட்டிக்காட்டப்பட்டுள்ளது. இது உலக சராசரியை விட இரண்டு மடங்கு வேகமாக நிகழ்வதாக தெரிவிக்கப்படுகிறது.
எல்லையின் முக்கியமான பகுதிகள் நீர்நிலைகள் அல்லது பனிப்பாறைகள், ஃபிர்ன் அல்லது நிரந்தர பனி ஆகியவற்றின் முகடு கோடுகளால் வரையறுக்கப்படுகின்றன,’ என்று சுவிஸ் அரசாங்கம் ஒரு அறிக்கையில் தெரிவித்துள்ளது. ‘பனிப்பாறைகள் உருகுவதால் இந்த வடிவங்கள் மாறி வருகின்றன.
சுவிட்சர்லாந்துக்கும் இத்தாலிக்கும் இடையிலான எல்லை சுமார் 359 (578 கிமீ) மைல்களாகும். அவற்றில் சுமார் 25 மைல்கள் (40 கிமீ) பனிப்பாறைகளால் மூடப்பட்டுள்ளது.
அறிக்கைகளின்படி, மீண்டும் வரையப்பட்ட பகுதி 328 அடி (100 மீட்டர்) மற்றும் ஐரோப்பாவின் மிக உயரமான மலைகளில் ஒன்றான மேட்டர்ஹார்னுக்கு அடியில் அமைந்துள்ளதாக தெரிவிக்கப்பட்டுள்ளது.
(Visited 2 times, 1 visits today)
