திருமண பந்தத்தில் இணைந்தார் தர்ஜனி

இலங்கை தேசிய வலைப்பந்தாட்ட அணியின் சிரேஷ்ட வீராங்கனையாகவும் சிறந்த வீராங்கனையாகவும் கருதப்படும் தர்ஜனி சிவலிங்கம் இன்று (17) திருமண பந்தத்தில் இணைந்துள்ளார்.

1978 ஆம் ஆண்டு டிசம்பர் மாதம் 30 ஆம் திகதி யாழ்ப்பாணம் மாவட்டத்தில் பிறந்த இவர், உலகெங்கிலும் உள்ள வலைப்பந்து ரசிகர்களின் கவனத்தை ஈர்த்த வீராங்கனை ஆவார்.

கோல் அடிக்கும் திறமை மட்டுமின்றி, உயரம் காரணமாக ‘ஜென்னி’ என்ற பெயரிலும் பலரிடையே பிரபலமானார். பல ஊடக அறிக்கைகள் தர்ஜினியை உலகின் மிக உயரமான வலைப்பந்து வீராங்கனையாக அறிமுகப்படுத்தியுள்ளன.

2019 நெட்பால் உலகக் கோப்பையில் அதிக கோல் அடித்த தர்ஜினி, 2011 உலகக் கோப்பையில் சிறந்த வீராங்கனைக்கான விருதையும் பெற்றார்.

கிழக்குப் பல்கலைக்கழகத்தில் பொருளாதாரம் (சிறப்பு) பட்டம் பெற்ற தர்ஜினி, 2004 ஆம் ஆண்டு முதல் வலைப்பந்தாட்ட விளையாடத் தொடங்கினார்.

2011ஆம் ஆண்டு உலகின் தலைசிறந்த வலைப்பந்து வீராங்கனைகளில் ஒருவராக இருந்த போதிலும், 2015ஆம் ஆண்டு அவுஸ்திரேலியாவின் சிட்னியில் நடைபெற்ற உலகக் கிண்ணப் போட்டியில் பங்குபற்றிய அணியில் இடம்பெறாதது ஆச்சரியத்தை ஏற்படுத்தியுள்ளது.

எனினும் இலங்கை அணியின் பயிற்றுவிப்பாளராக இருந்த திலகா ஜினதாச, தர்ஜினியை மீண்டும் தேசிய அணியில் இணைத்துக்கொள்ள நடவடிக்கை எடுத்திருந்தார்.

2018 ஆம் ஆண்டில், இலங்கை மீண்டும் ஆசிய சம்பியனாகியது, மேலும் தர்ஜினி போட்டியின் சிறந்த வீராங்கனைக்கான விருது பெற்றார்.

மேலும், வேறொரு நாட்டில் அணியை பிரதிநிதித்துவப்படுத்தும் ஒப்பந்தத்தில் கையெழுத்திட்ட முதல் இலங்கை வலைப்பந்து வீராங்கனையும் தர்ஜினி ஆவார்.

அவுஸ்திரேலியாவின் விக்டோரியாவில் உள்ள ‘சிட்டி வெஸ்ட் ஃபால்கன்ஸ்’ வலைப்பந்தாட்ட அணியையும் அவர் பிரதிநிதித்துவப்படுத்தினார்.

எவ்வாறாயினும், கடந்த ஆண்டு ஆகஸ்ட் 10 ஆம் திகதி, தர்ஜனி சிவலிங்கம் உத்தியோகபூர்வமாக விளையாடுவதில் இருந்து ஓய்வு பெற்றார், மேலும் அவர் இலங்கையில் தேசிய அணியைப் பிரதிநிதித்துவப்படுத்தி அதிக போட்டிகளில் விளையாடிய வீராங்கனையும் ஆவார்.