இலங்கை: சில உணவுப் பொருட்களின் விலை குறைப்பு!

எரிவாயு விலை குறைப்புக்கு அமைவாக பல உணவுப் பொருட்களின் விலைகளை குறைக்க அகில இலங்கை சிற்றுண்டிச்சாலை உரிமையாளர்கள் சங்கம் தீர்மானித்துள்ளது.

லிட்ரோ கேஸ் லங்கா மற்றும் லாஃப்ஸ் பிஎல்சி நிறுவனம் இன்று (மே 03) நள்ளிரவு முதல் அமுலுக்கு வரும் வகையில் எரிவாயு விலையை குறைப்பதாக அறிவித்துள்ளது.

இதன்படி, ப்ரைட் ரைஸ் , சோறு மற்றும் கறி மற்றும் கொத்து ஆகியவற்றின் விலைகள் 20 ரூபாவால் குறைக்கப்படும் என அகில இலங்கை சிற்றுண்டிச்சாலை உரிமையாளர்கள் சங்கம் அறிவித்துள்ளது

மேலும், சிற்றுண்டி உணவு வகைகளின் விலையும் 10 ரூபாவினால் குறைக்கப்படும் என சங்கம் மேலும் தெரிவித்துள்ளது.

உணவுப் பொருட்களின் விலைகள் குறைக்கப்பட்டுள்ள போதிலும், சாதாரண தேநீர் மற்றும் பால் தேநீர் ஆகியவற்றின் விலைகளில் திருத்தம் செய்யப்படாது என அகில இலங்கை சிற்றுண்டிச்சாலை உரிமையாளர்கள் சங்கம் தெரிவித்துள்ளது.