ஐரோப்பாவில் இலகுவில் குடியுரிமை பெறக்கூடிய 06 நாடுகள்!

பல ஐரோப்பிய நாடுகள் குடியுரிமை விதிகளை கடினமாக்கி வருகின்ற நிலையில், சில நாடுகள் குடியுரிமை பெற எளிதான வழிகளை வழங்குகின்றன.

இதற்கமைய முதலீடு, வம்சாவளி அல்லது வதிவிடத்தின் மூலம், இந்த நாடுகள் குடியுரிமை பெற விரும்பும் வெளிநாட்டினருக்கான செயல்முறையை எளிதாக்குகின்றன.

அந்த நாடுகளை விரிவாக பார்க்கலாம்.

01. டொமினிகா (Dominica)

டொமினிகா உலகிலேயே மிகவும் மலிவு விலையில் குடியுரிமையை வழங்குகிறது. பொருளாதார பன்முகத்தன்மை, குறைந்தபட்ச முதலீடு அல்லது ரியல் எஸ்டேட் வாங்குதல் மூலம், வெளிநாட்டினர் சில மாதங்களில் குடியுரிமையைப் பெறலாம்.

அதேநேரம் டொமினிகா ஷெங்கன் பகுதி நாடுகள் உட்பட 140 க்கும் மேற்பட்ட நாடுகளுக்கு விசா இல்லாத  அணுகலை வழங்குகிறது. இந்தத் திட்டத்திற்கு வதிவிட உரிமை தேவையில்லை  என்பதுடன், இரட்டை குடியுரிமையையும்  அனுமதிக்கிறது.

02. அயர்லாந்து (Ireland)

அயர்லாந்தில்  வம்சாவளியின் அடிப்படையில் நீங்கள் குடியுரிமையை பெறலாம். (பெற்றோர் அயர்லாந்தில் பிறந்திருந்தால் அல்லது தாத்தா பாட்டி அயர்லாந்தில் பிறந்திருந்தால் இலகுவாக குடியுரிமை பெற்றுக்கொள்ள முடியும்) 

அயர்லாந்து கடவுச்சீட்டு, ஐரோப்பிய ஒன்றியம் முழுவதும் விசா இல்லாத பயணத்திற்கான அணுகலை வழங்குகிறது. நீங்கள் இரட்டை குடியுரிமையையும் பராமரிக்கலாம், மேலும் எந்த மொழித் தேர்வும் தேவையில்லை என்பது சிறப்பம்சமாகும்.

03. துருக்கி (Turkey)

துருக்கியில் குறைந்தபட்சம் $400,000 மதிப்புள்ள ரியல் எஸ்டேட்டை வாங்குவதன் மூலம், அல்லது முதலீடு செய்வதன் மூலம் குடியுரிமையை பெற்றுக்கொள்ளலாம். அதேநேரத்தில் இரட்டை குடியுரிமையையும் பராமரிக்கலாம்.

துருக்கிய கடவுச்சீட்டு வைத்திருப்பவர்கள்  ஏராளமான நாடுகளுக்கு விசா இல்லாத அல்லது விசா-ஆன்-அரைவல் அணுகலை அனுபவிக்கிறார்கள்.

04. போர்ச்சுகல் (Portugal)

போர்ச்சுகலின் கோல்டன் விசா திட்டம் ஐரோப்பிய ஒன்றிய நாடுகளில் மிகவும் பிரபலமான ஒன்றாகும். விண்ணப்பதாரர் அனைத்துத் அடிப்படை தேவைகளையும் பூர்த்தி செய்தால் ஐந்து வருடங்கள் அங்கு வசித்தத்திற்கு பிறகு நிரந்த குடியுரிமை கோர அனுமதிக்கிறது.

5. வனுவாட்டு ( Vanuatu)

குறைந்தபட்ச மூலதனத்துடன் இரண்டே மாதங்களில் குடியுரிமையை பெறலாம்.   100 க்கும் மேற்பட்ட நாடுகளுக்கு விசா இல்லாத அணுகலை வழங்குகிறது. அத்துடன் வெளிநாட்டு வருமானத்திற்கு மூலதன ஆதாய வரியை விதிப்பதில்லை என்பது சிறப்பம்சமாகும்.

06. இத்தாலி (Italy)

வம்சாவளியின் அடிப்படையில் குடியுரிமை பெறலாம். (குறைந்தபட்சம் இரண்டு தலைமுறைகள், பொதுவாக இத்தாலிய பெற்றோர் அல்லது தாத்தா பாட்டி உள்ளவர்கள் மட்டுமே குடியுரிமையை பெற முடியும்)

விண்ணப்பதாரர்கள்  இத்தாலிய பெற்றோருக்கு பிறந்தவரா அல்லது அவர்களுடைய மூதாதையர் அங்கு வசித்தமைக்கான ஆதாரங்களை வழங்க வேண்டும். (உதாரணமாக பிறப்பு சான்றிதழ், விவாக சான்றிதழ் உள்ளிட்டவற்றை வழங்க வேண்டும்)

இத்தாலிய குடியுரிமை ஐரோப்பிய ஒன்றிய நாடுகளுக்கு விசா இல்லாத அணுகலை வழங்குகிறது. அத்துடன் நீங்கள் எத்தனை குடியுரிமைகளையும் வைத்திருக்க முடியும். அதற்கு வரம்பு இல்லை என்பது குறிப்பிடத்தக்கது.