கனடாவில் பணிப்புறக்கணிப்பில் இறங்கிய தொழிலாளர்கள் – விமானங்களை இரத்து செய்த ஏர் கனடா!

ஏர் கனடா, சனிக்கிழமை தனது விமானப் பணியாளர்களால் பணி நிறுத்தத்தை எதிர்கொள்வதால், விமானங்களை படிப்படியாக நிறுத்தத் தொடங்குவதாக அறிவித்துள்ளது.

வியாழக்கிழமை முதல் விமானங்கள் ரத்து செய்யப்படும் என்றும், வெள்ளிக்கிழமை மேலும் பல விமானங்கள் ரத்து செய்யப்படும் என்றும், வார இறுதியில் விமானங்கள் பறப்பதை முற்றிலும் நிறுத்தும் எனவும் அறிவிக்கப்பட்டுள்ளது.

சுமார் 10,000 ஏர் கனடா விமானப் பணியாளர்களைப் பிரதிநிதித்துவப்படுத்தும் தொழிற்சங்கம் புதன்கிழமை 72 மணி நேர வேலைநிறுத்த அறிவிப்பை வெளியிட்டது.

இதற்கு பதிலளிக்கும் விதமாக, விமான நிறுவனம் கதவடைப்பு அறிவிப்பை வெளியிட்டது.

விமானங்கள் ரத்து செய்யப்பட்ட வாடிக்கையாளர்களுக்கு இது குறித்து அறிவிக்கப்படும் என்றும், அவர்கள் முழு பணத்தைத் திரும்பப் பெற தகுதியுடையவர்கள் என்றும் ஏர் கனடா தெரிவித்துள்ளது.