ஜெர்மனியில் வெளிநாட்டவர்களுக்கு ஏற்பட்டுள்ள சிக்கல் – அதிக வாடகை செலுத்த வேண்டிய நிலை

ஜெர்மனியில் வசிக்கும் பிற நாடுகளைச் சேர்ந்தவர்கள் ஜெர்மன் குடிமக்களை விட அதிக வாடகை செலுத்துவதாக ஆய்வறிக்கை ஒன்று தெரிவித்துள்ளது.

சராசரியாக, அவர்கள் ஜெர்மனியர்களை விட சதுர மீட்டருக்கு 9.5% அதிகமாக வாடகை செலுத்துகின்றார்கள்.

ஜெர்மனியில் வாழும் வெளிநாட்டினர் சதுர மீட்டருக்கு சுமார் 7.75 யூரோ செலுத்துகின்ற போதும், ஜெர்மனியர்கள் 7.08 யூரோக்களை மாத்திரமே செலுத்துகின்றனர்.

இது தண்ணீர் மற்றும் மின்சாரம் போன்ற பயன்பாட்டு செலவுகள் அற்ற அடிப்படை வாடகை ஆகும்.

ஜெர்மனியர்கள் பல ஆண்டுகளாக ஒரே இடத்தில் வசித்து வருவதால் குறைவாகவே செலுத்துகிறார்கள் என்று நீங்கள் நினைக்கலாம்.

ஆனால் 20 ஆண்டுகள் அல்லது அதற்கு மேல் வாடகைக்கு குடியிருக்கும் வெளிநாட்டினர் கூட அதிகமாக வாடகை செலுத்துகிறார்கள்.

வெளிநாட்டினர் பொதுவாக சிறிய வீடுகளை வாடகைக்கு எடுக்கிறார்கள். சிறிய வீடுகள் பெரும்பாலும் சதுர மீட்டருக்கு அதிக விலையைக் கொண்டுள்ளன.

எடுத்துக்காட்டாக, 60 சதுர மீட்டருக்குக் குறைவான வீடுகள் பெரிய வீடுகளை விட ஒரு மீட்டருக்கு அதிக விலை கொண்டவை.

இதனாலேயே வெளிநாட்டவர்கள் அதிக வாடகையை செலுத்துகின்றனர்.

சராசரியாக, ஜெர்மானியர்கள் சுமார் 110 சதுர மீட்டர் வரையான பெரிய வீடுகளில் வசிக்கின்றனர்.

இதனால், ஜெர்மானியர்களின் வாடகை ஒப்பீட்டளவில் குறைவாக உள்ளதாக சுட்டிக்காட்டப்பட்டுள்ளது.