பங்களாதேஷூக்கு 100 மில்லியன் டொலரை திருப்பிச் செலுத்தியது இலங்கை

பரிமாற்ற வசதி தொடர்பில், பங்களாதேஷில் இருந்து பெறப்பட்ட தொகை தொடர்பான மற்றுமொரு தவணையை செலுத்த இலங்கை ஏற்பாடு செய்துள்ளது.

பங்களாதேஷிடம் இருந்து இலங்கைக்கு கிடைத்த 200 மில்லியன் டொலர் பரிமாற்ற வசதி தொடர்பான இரண்டாவது தவணையாக 100 மில்லியன் டொலர்கள் செலுத்தப்பட்டுள்ளதாக தெரிவிக்கப்பட்டுள்ளது.

இந்த பரிமாற்ற கடன் வசதியின் முதல் தவணையாக கடந்த மாதம் 50 மில்லியன் டொலர்கள் இலங்கையால் செலுத்தப்பட்டது.

கடன் வசதி தொடர்பான எஞ்சிய தொகையான 50 மில்லியன் டொலர்கள் இந்த வருடம் செலுத்தப்பட உள்ளதாகத் தெரிவிக்கப்படுகிறது.