சிறிய படகுகளில் பிரித்தானிய கால்வாயைக் கடக்க முயலும் மக்கள்

ஒவ்வொரு ஆண்டும் ஆயிரக்கணக்கான மக்கள் சிறிய படகுகளில் ஆங்கில கால்வாயைக் கடக்க முயற்சிக்கின்றனர்.

இதன் மூலம் பலர் தமது பயணத்தை முடித்து இங்கிலாந்தில் தஞ்சம் கோருகின்றனர்,மேலும் பலரின் முயற்சி விபத்துக்குள்ளாகி உயிரிழக்கின்றனர்.

இதேபோல் நேற்று புலம்பெயர்ந்தவர்களை ஏற்றிச் சென்ற படகு ஆங்கில கால்வாயில் கவிழ்ந்ததில் 12 பேர் உயிரிழந்தனர்.

இதனை தொடர்ந்து பிரித்தானிய பிரதமர் சர் கீர் ஸ்டார்மர், விபத்துகளை தடுக்கவும் ஆட்கடத்தல் கும்பல்களை தடுக்கவும் கடுமையான நடவடிக்கைகளை எடுப்பதாகக் தெரிவித்துள்ளார்.

செப்டம்பர் 2 வரை, 2024 இல் 21,403 பேர் கால்வாயை கடந்துள்ளனர். இது முந்தைய ஆண்டை விட அதிகமாகும், ஆனால் 2022ஐ விடக் குறைவு.

2023 ஆம் ஆண்டில், 29,437 பேர் சிறிய படகுகளில் இங்கிலாந்துக்கு வந்துள்ளனர்.

இடம்பெயர்வுக்கான சர்வதேச அமைப்பு (IOM) 2018 மற்றும் 19 ஆகஸ்ட் 2024 க்கு இடையில் ஆங்கில கால்வாயில் 189 புலம்பெயர்ந்தோர் இறந்ததாக மதிப்பிடுகிறது.

சமீபத்திய சம்பவத்திற்கு முன்பு, 2024 ஆம் ஆண்டில் கால்வாயைக் கடக்கும் போது 30 பேர் ஏற்கனவே இறந்துள்ளனர்.

மிகச் சமீபத்திய புள்ளிவிவரங்களின்படி, 2024 ஜூன் இறுதி வரையிலான இந்த ஆண்டில் 97,000 க்கும் அதிகமானோர் பிரித்தானியாவில் தஞ்சம் கோரியுள்ளனர்.

ஆப்கானிஸ்தான், சோமாலியா மற்றும் ஈராக்கில் உள்ள மோதல்களில் மக்கள் வெளியேறியதால், புகலிடத்திற்கான வருடாந்திர விண்ணப்பங்களின் எண்ணிக்கை உயர்ந்துள்ளது.

தொடர்புடைய செய்திகள்:

கேன்ஸ் விழாவில் போலி இரத்தம் ஊற்றி போராட்டம் செய்த எதிர்ப்பாளர் புலம்பெயர்ந்தோரின் எண்ணிக்கையை சமாளிப்பதற்கு பிரித்தானிய பிரதமர் அழைப்பு சக ஊழியர்கள் மீது கையெறி குண்டுகளை வீசிய உக்ரைன் கவுன்சிலர் ஜெர்மனியில் அகதி அந்தஸ்து நிராகரிக்கப்பட்டவர்களை நாடு கடத்த முடியாமல் திணறல்