இந்தியாவுக்கு எதிரான இரண்டாவது T20 போட்டியில் ஆஸ்திரேலியா வெற்றி

2025ம் ஆண்டின் ஆசிய கோப்பை வெற்றியாளர்களான பிரபல இந்திய அணி ஆஸ்திரேலியாவிற்கு சுற்றுப்பயணம் மேற்கொண்டு ஒருநாள் மற்றும் T20 தொடர்களில் விளையாடி வருகிறது.

அந்தவகையில், இரு அணிகளுக்கும் இடையிலான முதல் T20 போட்டி மழை காரணமாக கைவிடப்பட்டது.

இந்நிலையில், இன்று மெல்போர்ன்(Melbourne) மைதானத்தில் இரண்டாவது T20 போட்டி நடைபெற்றது.

நாணய சுழற்சியை வென்ற ஆஸ்திரேலியா அணி முதலில் பந்து வீச்சை தெரிவு செய்தது.

முதலில் களமிறங்கிய இந்திய அணி, ஆஸ்திரேலிய அணியின் சிறந்த பந்து வீச்சில் சிக்கி 18.4 ஓவர்களில் சகல விக்கெட்களையும் இழந்து 125 ஓட்டங்களை மட்டுமே பெற்றது.

இந்திய அணி சார்பில் அபிஷேக் சர்மா(Abhishek Sharma) 68 ஓட்டங்களும் ஹர்ஷித் ராணா(Harshit Rana) 35 ஓட்டங்களும் பெற்றுக்கொடுத்தனர்.

இதையடுத்து, 126 ஓட்ட இலக்கை நோக்கி களமிறங்கிய ஆஸ்திரேலிய அணி 13.2 ஓவர்களில் 6 விக்கெட்களை இழந்து வெற்றி பெற்றது.

ஆஸ்திரேலிய அணி சார்பில் மிட்செல் மார்ஷ்(Mitchell Marsh) 46 ஓட்டங்களும் டிராவிஸ் ஹெட்(Travis Head) 28 ஓட்டங்களும் பெற்றுக்கொடுத்தனர்.

இன்றைய வெற்றியுடன் ஆஸ்திரேலிய அணி 5 போட்டிகளை கொண்ட T20 தொடரில் 1-0 என்ற கணக்கில் முன்னிலை வகிக்கிறது.