இலங்கை வந்த சீன போர் கப்பல்!!! இந்தியா கவலை

அதிநவீன கண்காணிப்பு வசதிகளுடன் கூடிய சீன போர்க்கப்பல் ஒன்று இலங்கையின் கொழும்பு துறைமுகத்தை வந்தடைந்துள்ளது.

ஓராண்டுக்குப் பிறகு சீனாவின் இரண்டாவது கண்காணிப்புக் கப்பல் இலங்கைக்கு வந்திருப்பது இந்தியாவைக் கவலையடையச் செய்துள்ளது.

இலங்கையில் இருந்து வெளியாகும் பத்திரிகைச் செய்திகளின்படி, இந்தியாவின் கவலைகள் காரணமாக போர்க்கப்பல் முன்னதாக வந்ததால், இலங்கை போர்க்கப்பலுக்கான அனுமதியை தாமதப்படுத்தியுள்ளது.

சீனாவின் சந்தேகத்திற்குரிய விண்வெளி ஆய்வுக் கப்பலான ‘யுவான் வாங்-5’, செயற்கைக்கோள் தொழில்நுட்பத்துடன் கண்காணிக்கும் திறன் கொண்ட போர்க்கப்பல், கடந்த ஆண்டு ஆகஸ்ட் மாதம் இலங்கையை வந்தடைந்தது.

சீன நிறுவனத்தால் நிர்மாணிக்கப்படும் இலங்கையின் ஹம்பாந்தோட்டை துறைமுகத்தில் கப்பல் நிறுத்தப்பட்டிருந்தது. இந்தக் கப்பலில் இருந்தபடி 750 கி.மீ. தொலைவு வரை உள்ள இடங்களை கண்காணிக்க முடியும்.

அந்த வகையில், இந்தியாவின் முக்கியமான இராணுவ நிலைகளை உளவு பார்க்க வாய்ப்பு உள்ளதால், இந்தக் கப்பல் வருவதற்கு இந்தியா கடும் எதிர்ப்பு தெரிவித்தது. எனினும் இந்த எதிர்ப்பையும் மீறி இலங்கை அப்போது அனுமதி வழங்கியது.

தற்போது மீண்டும் அதிநவீன கண்காணிப்பு வசதிகளுடன் கூடிய சீன போர்க்கப்பலான ‘ஹாய் யாங் 24 ஹாவ்’ இலங்கையின் கொழும்பு துறைமுகத்தை வந்தடைந்துள்ளது.

இந்த கப்பலின் வருகை குறித்து இந்திய அதிகாரிகளிடம் சீனா தெரிவித்தபோதும், அதன் வருகை குறித்து இந்திய தரப்பில் கவலை தெரிவிக்கப்பட்டது.

எனினும் இந்தக் கப்பலுக்கு இலங்கை அனுமதி வழங்கியுள்ளது. இந்த கப்பல் கொழும்பு துறைமுகத்தில் இருந்து சனிக்கிழமை (ஆகஸ்ட் 12) புறப்படும் என்று தெரிவிக்கப்பட்டுள்ளது.

போர்க்கப்பல் வருவதற்கு சீன அதிகாரிகள் முன்கூட்டியே அனுமதி கோரியிருந்தனர். எனினும், இந்தியத் தரப்பினால் வெளிப்படுத்தப்பட்ட கவலைகள் காரணமாக, கப்பலுக்கு அனுமதி வழங்குவதில் இலங்கை தாமதம் செய்தது.

தொடர்புடைய செய்திகள்:

திருகோணமலையில் தொடர்ச்சியாக பெய்த மழை காரணமாக 412 குடும்பங்களைச் சேர்ந்த 1254 பேர் பாதிப்பு அன்னை மரியாள் உருவத்தில் கந்தானை நகரில் சுற்றித்திரிந்த மர்ம பெண் எல்பிட்டியவில் யுவதியின் கொலைச் சம்பவம்!! முச்சக்கர வண்டியின் சாரதி கைது ஈஸ்டர் தாக்குதல் குறித்து வேண்டுகோள் விடுத்த இராஜாங்க அமைச்சர் சதாசிவம் வியாழேந்திரன் ஈரான் அதிபரின் இலங்கை வருகையால் அமெரிக்கா அதிருப்தி தமிழ் எம்.பி.க்களுடன் நடந்த கலந்துரையாடல் – ஜனாதிபதி விளக்கம்