லண்டனில் இருந்து சென்ற விமானத்தில் விபரீதம் – பாதிக்கப்பட்டவர்கள் தொடர்பில் வெளியான தகவல்
லண்டனில் இருந்து சிங்கப்பூர் சென்ற விமானத்தில் உயிரிழந்த நபர் குறித்த தகவல் வெளியாகியுள்ளது.
73 வயதான பிரித்தானிய பிரஜை ஒருவர் துரதிஷ்டவசமாக உயிரிழந்துள்ளார்.
விமானத்தின் உள்ளே ஏற்பட்ட இந்த குலுங்கிய சூழ்நிலையால் மேலும் 71 பயணிகள் காயமடைந்தனர்.
மலேசியா, இங்கிலாந்து, நியூசிலாந்து, ஸ்பெயின், அமெரிக்கா மற்றும் அயர்லாந்து குடிமக்கள் காயமடைந்துள்ளனர்.
7 பயணிகளின் நிலைமை கவலைக்கிடமாக உள்ளதாக வெளிநாட்டு ஊடகங்கள் மேலும் செய்தி வெளியிட்டுள்ளன.
இந்த நிலை ஏற்பட்ட போது விமானத்தில் 211 பயணிகளும் 18 பணியாளர்களும் இருந்ததாக வெளிநாட்டு ஊடகங்கள் தெரிவிக்கின்றன.
இந்நிலைமையின் பின்னர், இந்த போயிங் விமானம் பாங்கொக்கிற்கு திருப்பி விடப்பட்டுள்ளதாக வெளிநாட்டு செய்திகள் தெரிவிக்கின்றன.
விமானம் அவசரமாக தரையிறங்குவதற்கு அனுமதி கோரியதாகவும், தரையிறங்குவதற்கு 10 நிமிடங்களுக்கு முன்னர் இந்த விபத்து இடம்பெற்றுள்ளதாகவும் வெளிநாட்டு தகவல்கள் தெரிவிக்கின்றன.
211 பயணிகளில் 131 பேர் சிங்கப்பூர் ஏர்லைன்ஸுக்குச் சொந்தமான மற்றொரு விமானம் மூலம் அவர்களது இலக்குக்கு மாற்றப்பட்டனர்.
(Visited 7 times, 1 visits today)
