இலங்கையில் பாணிற்கான கட்டுப்பாட்டு விலையை நிர்ணயிக்க நடவடிக்கை எடுக்கவுள்ளதாக அறிவிக்கப்பட்டுள்ளது. வர்த்தக அமைச்சர் நளின் பெர்னாண்டோ இதனை தெரிவித்துள்ளார். பாண் பல்வேறுபட்ட விலைகளுக்கு விற்பனை செய்யப்படுகின்றது. இது தொடர்பில் பொதுமக்களிடம் இருந்து முறைப்பாடுகள் கிடைக்கப் பெற்றுள்ளன. எனவே, பாணின் விலையைக் குறைக்க வெதுப்பக உரிமையாளர்கள் நடவடிக்கை எடுக்க வேண்டும். இல்லையெனில் பாண் இறாத்தலுக்கான கட்டுப்பாட்டு விலையை நிர்ணயிக்க நேரிடும் என வர்த்தக அமைச்சர் நளின் பெர்னாண்டோ குறிப்பிட்டுள்ளார்.

கொழும்பு 07, வோர்ட் பிளேஸில் முச்சக்கரவண்டியில் கூரிய ஆயுதத்தால் வெட்டி படுகொலை செய்யப்பட்ட நபரின் சடலம் கண்டெடுக்கப்பட்டுள்ளது. குருதுவத்தை பொலிஸ் நிலையத்திற்கு கிடைத்த 119 தொலைபேசி செய்தியின் பிரகாரம் வோர்ட் பிளேஸ் தேசிய பல் வைத்தியசாலைக்கு அருகில் நிறுத்தப்பட்டிருந்த முச்சக்கர வண்டியில் சடலம் கண்டெடுக்கப்பட்டதாக பொலிஸார் தெரிவித்தார். குறித்த முச்சக்கரவண்டியின் இலக்கத்தை பொலிஸார் மோட்டார் வாகன திணைக்களத்திடம் வினவிய போது அது மித்தெனிய பிரதேசத்தை சேர்ந்த ஒருவருடையது என தெரியவந்துள்ளது. முச்சக்கரவண்டியின் உரிமையாளரிடம் பொலிஸார் விசாரணைகளை மேற்கொண்டுள்ளதுடன், […]