கனடா சென்றால் இஸ்ரேலிய பிரதமர் நெதன்யாகு (Netanyahu) கைது செய்யப்படுவாரா?

இஸ்ரேலிய பிரதமர் பெஞ்சமின் நெதன்யாகு (Benjamin Netanyahu)  கனடா (Canada)  செல்லும்போது சர்வதேச குற்றவியல் சட்டங்களுக்கு அமைய அவர் கைது செய்யப்படலாம் என கனடாவின் பிரதமர்  மார்க் கார்னி (Mark Carney) தெரிவித்திருப்பதாக கூறப்படுகிறது.

இந்நிலையில் கைது நடவடிக்கை தொடர்பில் கனடாவின் பிரதமர் பரிசீலனை செய்ய வேண்டும் என இஸ்ரேல் குறிப்பிட்டுள்ளது.

பிரதமர் கார்னி (Mark Carney)  நிச்சயமாக இதை மறுபரிசீலனை செய்து இஸ்ரேலிய பிரதமர் நெதன்யாகுவை (Netanyahu) கனடாவிற்கு வரவேற்க வேண்டும் என்று  இஸ்ரேலின் அரசாங்க செய்தித் தொடர்பாளர் ஷோஷ் பெட்ரோசியன் (Shosh Bedrosian) வலியுறுத்தியுள்ளார்.

ஆனால்  ப்ளூம்பெர்க் போட்காஸ்டில்  (Bloomberg Podcasts) ஒளிபரப்பப்பட்ட நேர்காணலில் இது தொடர்பில் மார்க் கார்னியிடம்  (Mark Carney) கேள்வி எழுப்பப்பட்டது. இருப்பினும் அதற்கு அவர் தெளிவான பதிலை வழங்கவில்லை என தெரிவிக்கப்படுகிறது.

சமீபத்தில் ஐ.நா பொதுச் சபைக் கூட்டத்தில் பாலஸ்தீனத்தை (Palestinian )தனிநாடாக அங்கீகரித்த நாடுகளில் கனடாவும் (Canada) ஒன்றாகும்.