4 சதாப்தங்களுக்கு பிறகு ரஜினி, கமல் மகா சங்கமம்!

40 வருடங்களுக்குப் பிறகு ரஜினிகாந்த் மற்றும் கமல் ஹாசன் ஆகியோர் சினிமாவில் சங்கமிக்கவுள்ளனர்.

இவர்கள் இருவரும் இணைந்து நடிக்கும் படத்தை நெல்சன் திலீப்குமார் இயக்கவுள்ளார் என தகவல் வெளியாகியுள்ளது.

‘ஜெயிலர் 2’ படத்தில் நடித்து முடித்துள்ள ரஜினிகாந்த், அடுத்து சி.பி.சக்கரவர்த்தி இயக்கும் படத்தில் நடிக்க இருக்கின்றார்.

இப்படத்தை கமல்ஹாசனின் ராஜ் கமல் பிலிம்ஸ் இன்டர்நேஷனல் தயாரிக்கிறது.

இதையடுத்து ரஜினியும் கமல்ஹாசனும் இணைந்து ஒரு படத்தில் நடிக்க இருக்கின்றனர். ரஜினி காந்தின் 174-வது படமான இது, கமல்ஹாசனுக்கு 238-வது படமாகும்.

‘சரியான கதை அமைந்தால் சேர்ந்து நடிப்போம்’ என்று ரஜினிகாந்தும் கமல்ஹாசனும் ஏற்கனவே அறிவித்திருந்தனர்.

40 வருடங்களுக்குப் பிறகு இருவரும் இணைந்து நடிக்க இருப்பதால் ரசிகர்கள் மத்தியில் படத்துக்கு எதிர்பார்ப்பு ஏற்பட்டுள்ளது.