ஈரான் பாதுகாப்புப் படையில் குழந்தைகள் – அதிர்ச்சியில் உலக நாடுகள் 

தெஹ்ரானில் 11 வயது சிறுவன்  வான்வழித் தாக்குதலில் உயிரிழந்த சம்பவம், ஈரானில் பாதுகாப்புப் படைகளில் குழந்தைகள் ஈடுபடுத்தப்படுகிறார்களா என்ற கவலையை எழுப்பியுள்ளது.

அலிரேசா ஜஃபாரி என்ற அந்த சிறுவன், தனது தந்தையுடன் சேர்ந்து பாதுகாப்புச் சோதனைச் சாவடியில் பணியில் உதவி செய்தபோது மார்ச் 11 அன்று கொல்லப்பட்டதாக அவரது தாய் தெரிவித்தார். அவர்கள், நகரத்தை பாதுகாக்க பசிஜ் தன்னார்வப் படையினருக்கு உதவி செய்து வந்ததாக கூறப்படுகிறது.

இதற்கிடையில், இஸ்லாமியப் புரட்சிகரப் பாதுகாப்புப் படை (IRGC) 12 வயதுக்கு மேற்பட்ட “தன்னார்வலர்களை” சேர்க்கத் திட்டமிட்டுள்ளதாக தகவல்கள் வெளியாகியுள்ளன. இதனால், குறைந்த வயதுடையவர்கள் பாதுகாப்பு பணிகளில் ஈடுபடுத்தப்படுகிறார்களா என்ற சந்தேகம் அதிகரித்துள்ளது.

தெஹ்ரானிலும் மற்ற நகரங்களிலும் ஆயுதம் ஏந்திய குழந்தைகள் பாதுகாப்புப் பணிகளில் இருந்ததாக சிலர் தெரிவித்துள்ளனர். மேலும், வெளிநாட்டு மனித உரிமை அமைப்புகளும் இந்தச் சம்பவத்தை பதிவு செய்து, அலிரேசா ஒரு ஐந்தாம் வகுப்பு மாணவன் என்றும் குறிப்பிட்டுள்ளன.

இந்த நிகழ்வு, குழந்தைகள் பாதுகாப்புப் பணிகளில் பயன்படுத்தப்படுவது குறித்து சர்வதேச அளவில் கவலை அதிகரிக்கச் செய்துள்ளது.