நேபாளத்தின் புதிய பிரதமராக பாலேந்திர ஷா பதவியேற்பு

நேபாளத்தின் புகழ்பெற்ற ராப் இசைக்கலைஞரும், முன்னாள் மேயருமான 35 வயதுடைய பாலேந்திர ஷா (Balen Shah), நேபாளத்தின் மிக இளவயது பிரதமராக இன்று பதவியேற்றார்.

கடந்த ஆண்டு செப்டம்பர் மாதம், சமூக ஊடகத் தடை மற்றும் ஊழலுக்கு எதிராக நேபாள இளைஞர்கள் (Gen-Z) முன்னெடுத்த மாபெரும் போராட்டத்தினால் அப்போதிருந்த அரசாங்கம் கவிழ்க்கப்பட்டது.

அதனைத் தொடர்ந்து நடைபெற்ற நாட்டின் முதல் பொதுத்தேர்தலில், பாலேந்திர ஷா தலைமையிலான கட்சி 275 இடங்களில் 182 இடங்களைக் கைப்பற்றி அமோக வெற்றி பெற்றது.

இந்நிலையில், நேபாளத்தின் ஜனாதிபதி ராம் சந்திர பௌடெல் முன்னிலையில், இன்று மதியம்  காத்மண்டுவில் உள்ள ஜனாதிபதி மாளிகையில்பாலேந்திர ஷா பிரதமராகப் பதவியேற்றுள்ளதாக சர்வதேச ஊடகங்கள் தெரிவித்துள்ளன.