முதல்வர் ஸ்டாலின், விஜய் வேட்பு மனு தாக்கல்!

தமிழக சட்டசபைத் தேர்தலை முன்னிட்டு தீவிர பரப்புரை முன்னெடுக்கப்பட்டுவருவதால் அரசியல் களம் அனல் கக்குகின்றது.

பிரதான கட்சிகள் தமது வேட்பாளர்களை அறிவித்துள்ள நிலையில், வேட்பு மனு தாக்கல் இன்று (30) ஆரம்பமாகியுள்ளது.

இதற்கமைய கொளத்தூர் தொகுதியில் முதல்வர் மு.க.ஸ்டாலின் M.K. Stalin வேட்புமனுத் தாக்கல் செய்தனர்.

கொளத்தூர் தொகுதியில் தொடர்ந்து 4-வது முறையாக ஸ்டாலின் வேட்புமனுத் தாக்கல் செய்துள்ளார்.

பெரம்பூர் தொகுதியில் தவெக TVK தலைவர் விஜய்யும் Vijay இன்று வேட்புமனுத் தாக்கல் செய்தார்.

இந்தத் தொகுதியில் தவெக சார்பில் விஜய், திமுக DMK சார்பில் ஆர்.டி.சேகர், அதிமுக கூட்டணியில் இடம்பெற்றுள்ள பாமகவின் சார்பில் ம.திலகபாமா, நாதகவின் வெற்றித்தமிழன் ஆகியோர் போட்டியிடுகின்றனர்.

தவெக தலைவர் விஜய் பெரம்பூர் தவிர்த்து, திருச்சி கிழக்கு தொகுதியிலும் போட்டியிடுகிறார் என்பது குறிப்பிடத்தக்கது.