கொழும்பில் 3வது மாடியில் இருந்து கிழே விழுந்த சிறுவன் – சந்தேகத்தில் பொலிஸார்

பொரளையில் அமைந்துள்ள சர்ப்பன்டைன் அடுக்குமாடி குடியிருப்பின் மூன்றாவது மாடியில் இருந்து சிறுவன் ஒருவர் கீழே விழுந்திருக்கலாம் என பொலிஸார் சந்தேகம் வெளியிட்டுள்ளனர்.

சம்பவம் தொடர்பில் மேற்கொண்ட விசாரணையின் போது, ​​சிரேஷ்ட பொலிஸ் அதிகாரி ஒருவர் குழந்தை வீழ்ந்தமை போதைப்பொருள் பாவனையினால் ஏற்பட்ட விபத்து என சந்தேகிக்கப்படுவதாக தெரிவித்தார். சம்பவம் தொடர்பான மேலதிக விசாரணைகளை பொரளை பொலிஸார் மேற்கொண்டுள்ளனர்.

அடுக்குமாடி குடியிருப்பில் இருந்து விழுந்து ஆபத்தான நிலையில் இருந்த சிறுவன் தற்போது கொழும்பு தேசிய வைத்தியசாலையின் அவசர சிகிச்சைப் பிரிவில் சிகிச்சை பெற்று வருவதாக பொலிஸார் தெரிவித்தனர்.

பொரளை மெகசின் வீதியில் வசிக்கும் 16 வயதுடைய சிறுவனே இந்த சம்பவத்தில் காயமடைந்துள்ளார்.

வீட்டில் மகன் இல்லாததை அறிந்த அவரது தாய், மகன் அடிக்கடி செல்லும் வீட்டின் மூன்றாவது மாடியில் உள்ள வீட்டிற்கு வந்துள்ளார்.

அங்கு தாய் பேசிக் கொண்டிருந்த போது வீட்டினுள் இருந்த மகன் பதற்றமடைந்து வீட்டின் பின்பக்க ஜன்னல் வழியாக வெளியே வந்து கீழே இறங்க முயற்சித்துள்ளது.

தற்போதைய விசாரணைகளின் மூலம் சிறுவன் ஆபத்தான நிலையில் இருந்தமை உறுதி செய்யப்பட்டுள்ளதாக பொலிஸார் மேலும் தெரிவித்தனர்.