மருந்துகளை மலிவு விலையில் கொள்வனவு செய்யும் TrumpRx திட்டம் நடைமுறைக்கு!

மருத்துவர்களால் பரிந்துரைக்கப்படும் மருந்துகளை தள்ளுபடி விலையில் கொள்வனவு செய்யும் TrumpRx என்ற ஆன்லைன் போர்டலை அதிகாரப்பூர்வமாக அறிமுகப்படுத்துவதாக ஜனாதிபதி டொனால்ட் ட்ரம்ப் அறிவித்துள்ளார்.

இந்த செயற்திட்டம் இன்று நள்ளிரவு முதல் அமுலுக்கு வரவுள்ளதாக அறிவிக்கப்பட்டுள்ளது.

வெளிநாடுகளில் இருந்து கொள்வனவு செய்யும் மருந்துகளை அமெரிக்கர்ளுக்கு மலிவான விலையில் வழங்குவதே இதன் நோக்கம் என அவர் அறிவித்துள்ளார்.

உதாரணமாக Ozempic மற்றும் Wegovy போன்ற பிரபலமான GLP-1 எடை இழப்பு மருந்துகளின் விலைகள் 1000 டொலருக்கும் அதிகமாக இருந்த நிலையில், அதனை கணிசமாக குறைக்க இதன்மூலம் நடவடிக்கை எடுக்கப்பட்டுள்ளதாக தெரிவிக்கப்படுகிறது.

மேற்படி முயற்சியானது 14 மருந்து நிறுவனங்களுடன் தொடர்சியாக முன்னெடுக்கப்பட்ட கலந்துரையாடல்களின் அடிப்படையில் மேற்கொள்ளப்பட்டுள்ளது.