இலங்கையின் கரையோர பகுதிகளில் பலத்த காற்று வீசும் – மீனவர்களுக்கு எச்சரிக்கை!

இலங்கையில் பலத்த காற்று மற்றும் கடல் கொந்தளிப்பிற்கான சிவப்பு எச்சரிக்கையை  வானிலை ஆய்வுத்   விடுத்துள்ளது.

அறிவிப்பிற்கு அமைய  இன்று (13) காலை 09.00 மணிக்கு விடுக்கப்பட்ட இந்த எச்சரிக்கை, நாளை (14) காலை 09.00 மணி வரை செல்லுபடியாகும் என்று வானிலை ஆய்வுத் துறை தெரிவித்துள்ளது.

காலியிலிருந்து மாத்தறை மற்றும் ஹம்பாந்தோட்டை வழியாக பொத்துவில் வரையிலான கடல் பகுதிகளில் எச்சரிக்கையாக இருக்க வேண்டும் என்று அவ் அறிவிப்பில் குறிப்பிடப்பட்டுள்ளது.

காலியிலிருந்து மாத்தறை மற்றும் ஹம்பாந்தோட்டை வழியாக பொத்துவில் வரையிலான கடற்கரையில் உள்ள கடல் பகுதிகளில் காற்றின் வேகம் சில நேரங்களில் மணிக்கு 55-65 கி.மீ வரை அதிகரிக்கும்.

மேலும் அந்தக் கடல் பகுதிகள் சில நேரங்களில் கொந்தளிப்பாகவோ அல்லது மிகவும் கொந்தளிப்பாகவோ இருக்கும்.

காலியிலிருந்து கொழும்பு வழியாக புத்தளம் வரையிலான கடற்கரையில் உள்ள கடல் பகுதிகளில் காற்றின் வேகம் சில நேரங்களில் மணிக்கு 50-55 கி.மீ வரை அதிகரிக்கும், மேலும் அந்தக் கடல் பகுதிகள் சில நேரங்களில் சற்று கொந்தளிப்பாகவோ அல்லது சில நேரங்களில் கொந்தளிப்பாகவோ இருக்கலாம்.

இதன் காரணமாக, புத்தளம் முதல் கொழும்பு, காலி மற்றும் ஹம்பாந்தோட்டை வழியாக பொத்துவில் வரையிலான பகுதிகளில் கடல் அலைகள் நிலத்தை அடையும் வாய்ப்பும் இருப்பதாக வானிலை ஆய்வுத் துறை வலியுறுத்தியுள்ளது.