ஒரு வாரத்தில் 100 கோடியை தாண்டியது ரெட்ரோ வசூல்…

கார்த்திக் சுப்புராஜ் இயக்கத்தில் சூர்யா நடிப்பில் மே ஒன்றாம் தேதி தியேட்டரில் வெளியானது ரெட்ரோ படம்.

சூர்யாவுக்கு கடந்த சில வருடங்களாகவே படங்கள் எதுவும் வெற்றி பெறவில்லை. பெரும் நம்பிக்கையில் வெளியான கங்குவா படம் காலை வாரிவிட்டது. இதனால் ரெட்ரோ படத்தை பெரிதும் நம்பியிருந்தார்.

அதேபோல் படம் வெளியான ஒரு வாரத்திற்கு உள்ளாகவே 100 கோடியை தாண்டி வசூல் செய்திருக்கிறது. இதனால் படக்குழு மிகுந்த மகிழ்ச்சி அடைந்துள்ளது. ரெட்ரோ படத்திற்கான சக்சஸ் மீட்டும் சமீபத்தில் நடத்தப்பட்டிருந்தது.

இந்த சூழலில் ரெட்ரோ படத்தின் மூலம் கிடைத்த லாபத்தில் 10 கோடியை சூர்யா தனது அகரம் அறக்கட்டளைக்கு நன்கொடையாக கொடுத்திருக்கிறார்.

சூர்யா தனது அகரம் அறக்கட்டளை மூலம் வசதி இல்லாத பல மாணவ, மாணவிகளை படிக்க வைத்து வருகிறார். இதன் மூலம் டாக்டர், இன்ஜினியர் என பலர் நல்ல நிலைமைக்கு சென்று இருக்கின்றனர்.

மேலும் சூர்யா அடுத்ததாக ஆர்.ஜே பாலாஜியின் படத்தில் நடித்து வருகிறார் என்பது குறிப்பிடத்தக்கது.