இலங்கையர்களுக்கு புதிய விசா நடைமுறை – தாய்லாந்து அமைச்சரவை அங்கீகாரம்

இலங்கையிலிருந்து அதிகளவான சுற்றுலாப் பயணிகளை ஈர்க்கும் நோக்கில் புதிய வீசா முறைக்கு தாய்லாந்து அமைச்சரவை அங்கீகாரம் வழங்கியுள்ளது.

இந்தத் திட்டத்தின் தொடக்கமாக, இலங்கை சுற்றுலாப் பயணிகள் தாய்லாந்திற்குள் நுழைவதற்கு விசா தேவையில்லை மற்றும் 60 நாட்கள் வரை தங்கலாம்.

ஜூன் முதலாம் திகதி முதல் நடைமுறைக்கு வரும் இந்த நடவடிக்கை, தாய்லாந்திற்கு சர்வதேச சுற்றுலாப் பயணிகளை ஈர்க்கும் ஒரு பரந்த திட்டத்தின் ஒரு பகுதியாக கருதப்படுகிறது.

தாய்லாந்து அரசின் செய்தித் தொடர்பாளர் சாய் வச்சரோன்கே கூறுகையில், முடிந்தவரை அதிகமான சுற்றுலாப் பயணிகளை ஈர்க்கும் வகையில் இந்த நடவடிக்கையை அந்நாட்டு வெளியுறவு அமைச்சகம் முன்மொழிந்துள்ளது.

இந்த மாற்றங்களால், விசா இல்லாமல் தாய்லாந்துக்குள் நுழையக்கூடிய நாடுகளின் எண்ணிக்கை 57ல் இருந்து 93 ஆக உயர்ந்துள்ளது.

ஏற்கனவே விசா சுதந்திரத்தை அனுபவிக்கும் 57 நாடுகளைச் சேர்ந்த சுற்றுலாப் பயணிகள் விசா இல்லாமல் 60 நாடுகளுக்குச் செல்ல முடியும்.

தாய்லாந்தில் விசா இல்லாத நுழைவுக்கு தகுதி பெற்ற நாடுகளில், ஆஸ்திரேலியா முதல் பிரிவில் இருந்தது, புதிதாக இணைந்த நாடுகளில் குவாத்தமாலா, ஜமைக்கா, ஜோர்டான், மொராக்கோ, பனாமா மற்றும் உருகுவே ஆகியவை அடங்கும்.