கூலி ரிலீஸ் அப்டேட்… போட்டுடைத்தார் லோகேஷ்

வேட்டையன் படத்தில் நடித்து முடித்திருக்கும் ரஜினிகாந்த் இப்போது லோகேஷ் கனகராஜ் இயக்கத்தில் கூலி படத்தில் நடித்துவருகிறார்.

நாகார்ஜுனா, ஸ்ருதிஹாசன் உள்ளிட்ட ஏராளமானோர் நடிக்கும் இப்படத்தில் ரஜினிகாந்த் தேவா என்ற கதாபாத்திரத்தை ஏற்றிருக்கிறார்.

மிகப்பெரிய எதிர்பார்ப்போடு உருவாகிவரும் படத்தின் மீது உச்சக்கட்ட ஆவல் இருக்கிறது.

அதுமட்டுமின்றி இப்போது மோஸ்ட் வாண்டட் இயக்குநராக இருக்கும் லோகேஷுடன் ரஜினிகாந்த் முதன்முறையாக இணைந்திருப்பதாலும் ரசிகர்கள் ஆர்வமாக காத்திருக்கிறார்கள்.

லோகேஷின் இயக்கத்தில் கடைசியாக வெளியான லியோ திரைப்படம் விமர்சன ரீதியாக அடி வாங்கியது. எனவே கூலி படத்தில் கம்பேக் கொடுக்க வேண்டுமென்ற முனைப்பில் லோகேஷ் தீவிரமாக உழைத்திருக்கிறார் என்று படக்குழுவுக்கு நெருக்கமான வட்டாரம் தெரிவிக்கிறது.

படத்தின் ஷுட்டிங் விசாகப்பட்டினத்தில் விறுவிறுப்பாக நடந்தது. ரஜினி, நாகார்ஜுனா உள்ளிட்டோர் கலந்துகொண்டார்கள். இந்நிலையில் கூலி படத்தின் ஷூட்டிங் குறித்து லோகேஷ் கனகராஜ் சில விஷயங்களை பேசியிருக்கிறார். அதுகுறித்து அவர் பேசுகையில்,

“கூலி படத்தின் ஷூட்டிங் மும்முரமாக நடந்து கொண்டிருக்கிறது. இன்னும் இரண்டு ஷெட்யூல்கள் மட்டுமே பாக்கியிருக்கின்றன. 2025ஆம் ஆண்டு கூலி படம் வெளியாகும். அதிகாரப்பூர்வமாக ரிலீஸ் தேதி பின்னர் அறிவிக்கப்படும்” என்றார்.