30 ஆம் திகதி திரைக்கு வருகிறாள் “க்ராணி”!

” க்ராணி” Granny படம் எதிர்வரும் 30 ஆம் திகதி தரையிடப்படும் என அறிவிக்கப்பட்டுள்ளது.

குறித்த படத்தில் நடிகை வடிவுக்கரசி முதன்மை கதாப்பாத்திரத்தில் நடித்துள்ளார்.

2017-ம் ஆண்டு வெளியான ‘பிரம்மா.காம்” படத்தை இயக்கிய விஜயகுமாரனே ‘க்ராணி’ படத்தையும் இயக்கியுள்ளார்.

சிங்கம் புலி, திலீபன், ஜீவி அபர்ணா, கஜராஜ் மற்றும் ஆனந்த் நாக் உள்ளிட்ட பலர் நடித்துள்ளனர்.

ஏ. மணிகண்டன் ஒளிப்பதிவு செய்திருக்கும் இப்படத்திற்கு சீ.டா. பாண்டியன் இசையமைத்துள்ளார்.

ஹாரர் திரில்லராக உருவாகி உள்ள இந்த திரைப்படத்தை விஜயா மேரி யுனிவர்சல் மீடியாஸ் நிறுவனம் சார்பில் தயாரிப்பாளர் விஜயா மேரி தயாரித்து உள்ளார்.

படத்துக்கு U/A தணிக்கை சான்றிதழ் வழங்கப்பட்டுள்ளது.