சூடானில் இருந்து வெளியேறிய 40 லட்சம் பேர் – அகதிகளாக அண்டை நாடுகளில் தஞ்சம்

சூடானில் இருந்து அண்டை நாடுகளுக்கு அகதிகளாகச் சென்றவர்களின் எண்ணிக்கை 40 லட்சத்தைக் கடந்துள்ளதாக ஐக்கிய நாடுகள் சபை தெரிவித்துள்ளது.

ஆப்பிரிக்க நாடான சூடானில் 2023-ஆம் ஆண்டில் உள்நாட்டுப் போர் தொடங்கியதிலிருந்து அந்நாட்டில் இருந்து இந்த மக்கள் வெளியேறியுள்ளனர்.

அண்டை நாடான சாட் (Chad) நாட்டுக்கு மட்டும் 8 லட்சம் பேர் குடிபெயர்ந்துள்ளனர்.

ஆனால், நிதிப்பற்றாக்குறை காரணமாக போதுமான தங்குமிடம், உணவு உள்ளிட்ட அத்தியாவசிய உதவிகள் கிடைக்காமல் அகதிகள் பெரும் சிரமத்துக்கு ஆளாகியுள்ளதாகக் கூறப்படுகிறது.

மனிதகுலத்தின் மிகப்பெரிய நெருக்கடியை லட்சக்கணக்கான சூடான் அகதிகள் எதிர்கொண்டுள்ளதாக ஐ.நா அகதிகள் அமைப்பின் அதிகாரி தெரிவித்தார்.