பாதணியின்றி பிலிப்பைன்ஸில் சாதித்த முல்லைத்தீவு பெண்

பிலிப்பைன்ஸில் நடைபெற்ற தேசிய சிரேஷ்ட தடகளப் போட்டியில் முல்லைத்தீவு மாவட்டத்தைச் சேர்ந்த பெண் ஒருவர் இரண்டு தங்கப் பதக்கங்களையும் ஒரு வெண்கலப் பதக்கத்தையும் வென்றுள்ளார்.

அகிலா திருநாயகி என்ற 71 வயதான பெண்மணி இலங்கையை பிரதிநிதித்துவப்படுத்தி இப்போட்டியில் கலந்துகொண்டார்.

1500 மற்றும் 500 மீட்டர் ஓட்டத்தில் இரண்டு தங்கப் பதக்கங்களையும் 800 மீட்டர் ஓட்டத்தில் வெண்கலப் பதக்கத்தையும் வென்றுள்ளார்.

இது தவிர, 400 மீட்டர் ஓட்டப் பந்தயத்தில் நான்காவது இடத்தையும் வென்றுள்ளார். இந்த பெண் ஓய்வு பெற்ற சிறைச்சாலை அதிகாரி என தெரிவிக்கப்பட்டுள்ளது.