(New update) தாய்லாந்தில் பாடசாலை மாணவர்கள் பயணித்த பேருந்தில் தீப்பரவல்! 23பேர் உடல் கருகி பலி

தாய்லாந்தின் தலைநகர் பேங்கொக்கின் புறநகர் பகுதியில் பாடசாலை மாணவர்கள் மற்றும் ஆசிரியர்களுடன் பயணித்த பேருந்தொன்று விபத்துக்குள்ளான நிலையில் தீப்பரவல் ஏற்பட்டுள்ளது.

38 மாணவர்கள் மற்றும் 6 ஆசிரியர்கள் பயணித்த பேருந்து ஒன்றே தீப்பிடித்து எரிந்தது.

இதில், காயங்களுக்குள்ளான 13 மாணவர்களும் 3 ஆசிரியர்களும் வைத்தியசாலையில் அனுமதிக்கப்பட்டுள்ளனர்.

அத்துடன் பேருந்தில் இருந்து 23 பேரின் உடல்கள் மீட்கப்பட்டுள்ளதாக பிபிசி தெரிவித்துள்ளது.

சம்பவ இடத்தில் 11 ஆண் மற்றும் 7 பெண் உடல்கள் கண்டுபிடிக்கப்பட்டதை தடயவியல் பொலிசார் உறுதி செய்துள்ளதாகவும், ஐந்து பேரை அடையாளம் காண முடியவில்லை என்றும் தெரிவித்துள்ளது.