பிறந்தநாளில் வருங்கால காதல் கணவருடன் அவுட்டிங்… வரலட்சுமி பகிர்ந்த புகைப்படம்!

தனது பிறந்தநாளன்று வருங்கால காதல் கணவருடன் அவுட்டிங் சென்றிருக்கிறார் நடிகை வரலட்சுமி. அந்த சமயத்தில் அவருடன் எடுத்த மிரர் புகைப்படத்தைப் பகிர்ந்து ‘லவ்’ என்று குறிப்பிட்டுள்ளார்.

கடந்த மார்ச்1 அன்று நடிகை வரலட்சுமிக்கும் மும்பையை சேர்ந்த தொழிலதிபர் நிகோலய் சச்தேவ் என்பவருக்கும் திருமண நிச்சயதார்த்தம் முடிந்தது. 14 வருடகால நண்பருடன் நிச்சயம் முடித்துள்ள நடிகை வரலட்சுமிக்கு திரைத்துறையினரும் ரசிகர்களும் தங்களது வாழ்த்துகளைத் தெரிவித்து வருகின்றனர்.

இப்படியான சூழ்நிலையில்தான், வரலட்சுமிக்கு நேற்று 39ஆவது பிறந்தநாள். இதற்காக அவர் தனது காதலருடன் அவுட்டிங் சென்றுள்ளார். கருப்பு நிற கேஷூவல் அவுட்ஃபிட்டில் மிரர் செல்ஃபி எடுத்துள்ளார். இந்தப் புகைப்படத்தைப் பகிர்ந்து ‘லவ்’ எனவும் தனது அன்பை வெளிப்படுத்தியுள்ளார்.

கலிபோர்னியாவைச் சேர்ந்த கவிதா என்பவரைத் திருமணம் செய்து விவாகரத்து பெற்றிருக்கிறார் நிகோலய். கவிதா-நிகோலய் தம்பதிக்கு 11 வயதில் ஒரு பெண் குழந்தையும் இருக்கிறது என்பது குறிப்பிடத்தக்கது. மும்பையில் தங்களது குடும்பத் தொழிலாக ஆர்ட் கேலரி ஒன்றை நடத்தி வருகிறாராம் நிகோலய்.

கவிதாவுடன் விவாரகத்து பெற்றது, இவருக்கு குழந்தை இருக்கிறது என்பது போன்ற விஷயங்கள் வரலட்சுமிக்கு முன்பே தெரிந்திருந்தாலும் நட்பின் அடிப்படையிலும் தனது வாழ்க்கைத் துணையாக இவர் சரியாக இருப்பார் என்று முடிவெடுத்துள்ளார். விரைவில் இவர்களது திருமண திகதியை அறிவிக்க இருக்கிறார்கள்.