உண்மை தெரிஞ்சிடும்.. சுந்தரை அப்புறப்படுத்திய மீனாட்சி!
ஜீ தமிழ் தொலைக்காட்சியின் ‘கெட்டி மேளம்’ சீரியலில் தற்போது சுந்தர் என்ற பிச்சைக்காரனின் வருகை கதையை அடுத்த கட்டத்திற்கு நகர்த்தியுள்ளது. இன்றைய எபிசோடில் ஈஸ்வரமூர்த்தியின் சந்தேகம் மீனாட்சியை நிலைதடுமாற வைத்துள்ளது.
வீட்டிற்குப் பிச்சைக்காரனாக வந்திருக்கும் சுந்தரைப் பார்த்த ஈஸ்வரமூர்த்திக்கு, “இவனை எங்கேயோ பார்த்திருக்கிறோமே?” என்ற சந்தேகம் வலுக்கிறது. அழுக்கு மூட்டையாக இருக்கும் அவனது அடையாளத்தை மாற்றினால் ஒழிய உண்மை தெரியாது என நினைக்கும் ஈஸ்வரமூர்த்தி, உடனடியாக ஒரு சலூன் கடைக்காரரை வீட்டிற்கே வரவழைக்கிறார். சுந்தருக்கு ஹேர் கட் செய்து அவனது முகத்தை மாற்றும்படி உத்தரவிடுகிறார்.
ஈஸ்வரமூர்த்தியின் இந்த முடிவைக் கேட்டு மீனாட்சி ரத்தக்கண்ணீர் சிந்தாத குறையாகப் பதறுகிறார். சுந்தருக்கு ஹேர் கட் செய்துவிட்டால், அவன் யார் என்கிற உண்மை அம்பலமாகிவிடும் என்று அஞ்சும் மீனாட்சி, ஒரு அதிரடித் திட்டத்தைப் போடுகிறார். வீட்டில் யாரும் இல்லாத நேரத்தைப் பயன்படுத்தி, பிச்சைக்காரன் சுந்தரை ரகசியமாக அங்கிருந்து வேறு இடத்திற்கு இடமாற்றம் செய்துவிடுகிறார்.
திடீரென சுந்தரைத் தேடிய துளசி, அவன் மாயமானதைக் கண்டு அதிர்ச்சியடைகிறாள். உடனே வெற்றியிடம் விஷயத்தைச் சொல்ல, இருவரும் வீடு முழுக்கத் தேடுகின்றனர். ஆனால், மீனாட்சி கச்சிதமாகச் சுந்தரை அப்புறப்படுத்தியதால் அவர்கள் ஏமாற்றமே மிஞ்சுகிறது. சுந்தர் எங்கேயாவது வெளியே சென்றிருப்பான் என வீட்டில் இருப்பவர்கள் சமாதானம் கூறுகின்றனர்.
அடுத்து நடக்கப் போவது என்ன?
மீனாட்சி கடத்திச் சென்ற சுந்தர் மீண்டும் தப்புவாரா? ஈஸ்வரமூர்த்திக்குத் தெரியாமல் மீனாட்சி செய்த இந்த வேலை அம்பலமாகுமா? துளசியும் வெற்றியும் சுந்தரை எப்படிக் கண்டுபிடிப்பார்கள்? போன்ற கேள்விகளுடன் இன்றைய எபிசோட் முடிவடைகிறது.
