ஆஸ்திரேலியாவிலிருந்து சென்ற கப்பலிலிருந்து கடலுக்குள் விழுந்து காணாமற்போன பயணி

ஆஸ்திரேலியாவின் பிரிஸ்பேனிலிருந்து அமெரிக்காவின் ஹவாயிக்குச் சென்றுகொண்டிருந்த சொகுசுக் கப்பலிலிருந்து கடலுக்குள் விழுந்து  பயணி ஒருவர் காணாமல் போயுள்ளார்.

அமெரிக்கக் கடலோரக் காவல்துறையால் இதுவரை கண்டுபிடிக்க முடியவில்லை.

காணமற்போனவர் ஆஸ்திரேலியர் எனவும் அவர் கப்பலிலிருந்து கடலுக்குள் விழுந்ததாகக் கூறப்பட்டது.

செவ்வாய்க்கிழமை Royal Caribbean நிறுவனத்தின் Quantum of the Seas எனும் சொகுசுக்கப்பலிலிருந்து அதுகுறித்துத் தகவல் கிடைத்ததாகக் கடலோரக் காவல்துறை தெரிவித்தது.

2 மணி நேரத்துக்கு அதே இடத்தில் இருந்தபடி சொகுசுக்கப்பல் 6 மீட்பு மிதவைகளைப் பயன்படுத்திக் கடலில் விழுந்து காணாமற்போனவரைக் காப்பாற்ற முயன்றது.

அவர் கடலில் இருந்ததற்கான அறிகுறி எதுவும் தென்படாததால் கப்பல் அதன் பயணத்தைத் தொடர்ந்தது.