Womens WC – ஆஸ்திரேலிய அணி 89 ஓட்டங்கள் வித்தியாசத்தில் வெற்றி

2025ம் ஆண்டிற்கான மகளிர் உலகக்கோப்பை கிரிக்கெட் போட்டி இந்தியா மற்றும் இலங்கையில் நடைபெற்று வருகிறது.

இதில் இன்று நடைபெற்ற போட்டியில் கடந்த ஆண்டு கோப்பையை வென்ற ஆஸ்திரேலியா மற்றும் நியூசிலாந்து அணிகள் மோதின.

இந்த போட்டியில் டாஸ் வென்ற ஆஸ்திரேலிய அணி முதலில் துடுப்பெடுத்தாட முடிவு செய்தது.

ஆஸ்திரேலிய அணி 49.3 ஓவர்களில் அனைத்து விக்கெட்டுகளையும் இழந்து 326 ஓட்டங்கள் எடுத்தது.

ஆஸ்திரேலிய அணி சார்பில் ஆஷ்லீ கார்ட்னர் 83 பந்துகளில் 13 பவுண்டரி, ஒரு சிக்சருடன் 115 ஓட்டங்களுக்கு ஆட்டமிழந்தார்.

327 ஓட்டங்கள் எடுத்தால் வெற்றி என்ற இலக்குடன் நியூசிலாந்து அணி களமிறங்கியது.

கேப்டன் சோபி டிவைன் தனி ஆளாகப் நின்று சதமடித்து 112 ஓட்டங்களுக்கு ஆட்டமிழந்தார். மற்ற வீரர்கள் குறைந்த ஓட்டங்களுக்கு ஆட்டமிழந்து சென்றனர்.

இறுதியில், நியூசிலாந்து அணி 43.2 ஓவரில் 237 ஓட்டங்களுக்கு அனைத்து விக்கெட்டுகளையும் இழந்த தோல்வியை சந்தித்துள்ளது.